बच्चा जन्मिएपछि महिलामा धेरै हर्मोनल र शारीरिक परिवर्तनहरू हुन्छन् । सामान्य प्रसवमा शरीर निको हुन करिब छ हप्ता र शल्यक्रियाबाट हुने प्रसवमा आठ हप्ता लाग्न सक्छ । हरेक महिलाको शरीर फरक–फरक हुन्छ । जसका कारण शरीर रिकभर हुन कम वा कम समय लाग्न सक्छ । तर चिकित्सकको सल्लाहमा केही समयपछि योग वा अन्य हल्का शारीरिक क्रियाकलाप गर्न सक्नुहुन्छ । यसो गर्नाले तपाई आफैँलाई फिट राख्न र पुरानै अवस्थामा फर्कन सक्नुहुन्छ । साथै योगको मद्दतले शरीरको रिभरकी टाइमलाई पनि कम गर्न सकिन्छ ।
बालासना
यो आसनले शरीरमा रक्तसञ्चार सुधार गर्न मद्दत गर्छ र मांसपेशीहरूलाई आराम दिन्छ । यसले शरीरमा हुने दुखाइ र असुविधाबाट छुटकारा पाउँछ र राम्रो निद्रा पनि दिन्छ । सुत्नुअघि यो आसन गर्नाले तनाव कम हुन्छ ।
ताडासन
ताडासन उभिएर गरिने आसन हो। यसो गर्दा शरीरको राम्रोसँग तन्किन्छ । जसले गर्दा दुखाइबाट राहत मिल्छ र शरीरको लचिलोपन पनि बढ्छ । गर्भावस्थामा तौल बढ्नुका कारण धेरै पटक शरीर चलाउन समस्या हुने भएकाले यो आसन गर्नु निकै फाइदाजनक हुन्छ ।
प्राणायाम
कतिपय महिलाहरूलाई गर्भावस्थाको समयमा वा सुत्केरीपछि उच्च रक्तचापको समस्या हुन सक्छ । त्यसैले उनीहरूले चिकित्सकसँग परामर्श लिएर मात्रै शारीरिक क्रियाकलापलाई आफ्नो दिनचर्यामा समावेश गर्नुपर्छ । योगको साथसाथै प्राणायामको अभ्यासले धेरै समस्याबाट मुक्ति मिल्छ । ध्यानले शरीरको मांसपेशी र दिमागलाई आराम गर्न मद्दत गर्न सक्छ । यसका साथै यसले रक्तचाप, फोक्सो र मस्तिष्कलाई पनि स्वस्थ र सक्रिय राख्छ ।
नोट: कुनै पनि प्रकारको शारीरिक गतिविधि प्रसव पछि गाह्रो हुन सक्छ । त्यसैले योग सुरु गर्नु अघि विशेषज्ञसँग सल्लाह लिनुहोस् ।
–एजेन्सीको सहयोगमा
