योगले स्वास्थ्यसँग सम्बन्धित धेरै समस्याबाट छुटकारा दिन्छ । योग तौल घटाउन, छाला स्वस्थ राख्न, पाचन प्रक्रिया बलियो बनाउन र शरीरको दुखाइ लगायत धेरै समस्याका लागि फाइदाजनक छ । यसबाहेक केही योगासनको अभ्यास गर्नाले यौन स्वास्थ्यमा पनि सुधार हुन्छ ।
यौन चाहना कम हुने, लैगिंक उत्तेजना नहुनु (इरेक्टाइल डिसफङसन) या अग्यार्जम(शीघ्र पतन वा लामो समयसम्म स्खलन नहुनु) लगायतका विभिन्न समस्याहरूले यौन जीवनलाई असर गर्छ । विशेष गरी महिलाहरूमा यस्ता खालका समस्या हुने गरेको पाइन्छ । यस्ता समस्याबाट मुक्ति पाउनका लागि केही योगासन अभ्यास गर्न सकिन्छ । यी योग आसनहरू विशेष गरी महिलाहरूका लागि धेरै लाभदायक र प्रभावकारी छन् ।
वीरभद्रासन
यो योगासनलाई योद्धा पोज पनि भनिन्छ । वीरभद्रासनले हिप्सको मांसपेशीहरू सञ्चालन बलियो बनाउँछ । तिघ्राको भित्री मांसपेशीहरूलाई बलियो बनाउनका साथै यौन हर्मोनलाई सन्तुलनमा राख्छ ।
यो आसन गर्नका लागि सबैभन्दा पहिले योगा म्याटमा सिधा उभिनुहोस् । अब आफ्नो दुवै खुट्टा फैलाउनुहोस् । खुट्टाको बिचमा २–३ फिटको दुरी राख्नुहोस् । त्यसपछि दुवै हातलाई काँधको समानान्तरमा राख्नुहोस् । त्यसपछि दाहिने खुट्टालाई ९० डिग्रीको कोणमा घुमाउनुहोस् । बायाँ खुट्टा पछाडि तन्काउनुहोस् । टाउको दाहिने खुट्टा र हात तिर राख्नुहोस् । त्यसपछि अगाडि हेर्नुहोस् । ५०–६० सेकेन्डको लागि यो स्थितिमा रहनुहोस् । अब सुरुवातको स्थितिमा आउनुहोस् । यो प्रक्रिया ३–५ पटक गर्न सक्नुहुन्छ ।
उत्कटासन
उत्कटासन योगलाई चेयर पोज एक्सरसाइज पनि भनिन्छ । कुर्सी पोज एक्सरसाइजको अर्थ कुर्सीमा बसेको जस्तो मुद्रा बनाउनु हो । यो आसनले खुट्टाको मांसपेशी बलियो बनाएर बल बढाउँछ । जसका कारण खुट्टा, तिघ्रा, बाछो र मेरुदण्ड जस्ता अङ्गहरूको मांसपेशी बलियो हुन्छ । यसले क्यालोरी बढाउन मद्दत गर्छ र शरीरको तल्लो भागमा जम्मा भएको अतिरिक्त बोसोलाई पनि कम गर्छ ।
यो आसन गर्नको लागि सबैभन्दा पहिले सीधा उभिनुहोस् । अब शरीरलाई कुर्सीको आकारमा ल्याउनुहोस् । शरीरलाई कुर्सीको आकारमा ल्याउने घुँडा झुकाउनुहोस् । र हात अगाडि बढाउनुहोस् । तिनीहरूलाई सीधा राख्नुहोस् । दुई खुट्टाको बिचमा थोरै दूरी राख्नुहोस् । हातहरू माथितिर फैलाउनुहोस् र कुहिनोलाई सीधा रेखामा राख्नुहोस् । यो पोज कुर्सी आकारको हुनेछ । अब आफ्नो हातलाई माथि उठाउनुहोस् र लगभग १ मिनेटको लागि यो स्थितिमा रहनुहोस् ।
धनुरासन
धनुरासन यौन इच्छाको कमी र चरम उत्तेजित हुन नसक्ने व्यक्तिहरूको लागि राम्रो योग आसन हो । यो योग आसनको अभ्यासले शरीरको लचकता बढाउँछ । यसबाट तिघ्रा वरपरका भागको मांसपेशी सञ्चालनमा राम्रो काम गर्छ ।
यो योग गर्नको लागि तपाईँले पहिला आफ्नो पेटको सहाराले सुत्नु पर्छ र आफ्नो घुँडाले आफ्नो कम्मर तिर झुकाउनु पर्छ। अब आफ्नो हातले आफ्नो खुट्टा समात्नुहोस्। अब आफ्नो खुट्टा र हात सकेसम्म माथि उठाउनुहोस् र आफ्नो अनुहार माथि राख्नुहोस्। सकेसम्म लामो समयसम्म यस मुद्रामा रहन प्रयास गर्नुहोस्।
नोट: यो लेख योग गुरुको सुझावको आधारमा तयार गरिएको हो । आसनको सही स्थिति बारे जान्नको लागि एक विशेषज्ञलाई सम्पर्क गर्न सक्नुहुन्छ ।
–एजेन्सीको सहयोगमा
