अक्टोबर महिनालाई स्तन क्यान्सर सचेतना महिनाको रुपमा मनाइन्छ । स्तन क्यान्सर सम्बन्धी जनचेतना अभिवृद्धि र स्तन क्यान्सर प्रतिरोधी क्षमता बढाउने उद्देश्यले यो महिनामा विभिन्न कार्यक्रमहरू हुने गर्छन् । यसको मुख्य उद्देश्य स्तन क्यान्सर पत्ता लगाउने, सचेतना र उपचारको माध्यमबाट महिलाको स्वास्थ्य सेवालाई प्रोत्साहित गर्नु हो ।
हरेक ८ जना महिलामध्ये एक जना क्यान्सरको सिकार हुने गरेको तथ्याङ्कले देखाउँछ । अन्य प्रकारको क्यान्सर जस्तै, स्तन क्यान्सर पनि घातक छ । नेशनल क्यान्सर इन्स्टिच्युटका अनुसार योगबाट क्यान्सरको जोखिम धेरै हदसम्म कम गर्न सकिन्छ । योगाभ्यासले क्यान्सरको जोखिम बढाउने हर्मोनको स्तर घटाउन मद्दत गर्छ । स्तन क्यान्सरको जोखिम घटाउन सकिने योगासनको बारेमा तल उल्लेख गरिएको छ ।
बालासनलाई बाल मुद्रा आसन पनि भनिन्छ । यो मुद्राले छातीको मांसपेशी, कम्मर, तिघ्रा र पछाडिको भागलाई आराम दिन्छ । बालासनको अभ्यास स्तन क्यान्सर रोगीहरूको लागि लाभदायक हुन्छ । मनलाई शान्त राख्नका साथै थकान र तनावबाट मुक्ति दिन बालासन अभ्यास गर्न सकिन्छ ।
प्राणायाम
अनुसन्धानकर्ताहरूका अनुसार स्तन क्यान्सरको समस्यामा प्राणायाम गर्ने बानी फाइदाजनक हुन्छ । विकिरण थेरापीबाट गुज्रिरहेका स्तन क्यान्सरका बिरामीहरूको लागि प्राणायाम सहायक उपचारको रूपमा उपयोगी छ । क्यान्सर कोशिकाको वृद्धि रोक्नुका साथै मानसिक स्वास्थ्यलाई राम्रो बनाउन प्राणायामको अभ्यास गर्न सकिन्छ ।
मत्स्यासन योग
मत्स्यासन योगलाई हृदय खोल्ने योग पनि भनिन्छ । यसको अर्थ छाती, करङ, फोक्सो र ढाडको माथिल्लो भाग खोल्नु हो । यसले स्तन र पेक्समा लिम्फेटिक जल निकासीलाई उत्तेजित गरेर स्तन क्यान्सरको जोखिम कम गर्छ । योग विशेषज्ञहरूका अनुसार यो योगको नियमित अभ्यासले रोग प्रतिरोधात्मक क्षमता बढाउन सक्छ । जसले क्यान्सरको जोखिम कम गर्न मद्दत गर्छ ।
नोटः यो लेख योग गुरुको सुझावको आधारमा तयार गरिएको हो । आसनको सही स्थिति बारे जान्नको लागि योग गुरुलाई सम्पर्क गर्न सक्नुहुन्छ ।
अमर उजालाबाट भावानुवाद
