इम्युनिटी पावर बढाउन गर्नुपर्ने योगासन

मनसुनमा जताततै हरियाली हुन्छ तर यो मौसममा धेरै गम्भीर रोग लाग्ने खतरा पनि हुन्छ । जण्डिस, टाइफाइड र झाडापखालाजस्ता रोगहरू वर्षाको दिनमा बढी फैलिन्छन् । यस्तो अवस्थामो खानपान र जीवनशैलीमा परिवर्तन गर्नुपर्छ ।

वर्षायाममा रोगको जोखिम बढ्छ । कम घामका कारण ब्याक्टेरिया बढ्छ । जसका कारण मानिसहरु छिट्टै बिरामी हुन्छन् । कमजोर प्रतिरोधात्मक क्षमताका कारण समस्या बढ्न सक्छ । वर्षायाममा पेटसम्बन्धी समस्या पनि धेरै हुन्छ ।

मनसुनमा पानी परेपछि मानिसहरु घरबाट बाहिर निस्कन नपाउने भएकाले शारीरिक गतिविधि पनि कम हुन्छ । त्यसैले घरमै योग गरेर आफूलाई स्वस्थ राख्नु सकिन्छ । यस्ता केही योगासनहरु जसले इम्युनिटी पावर बढाउँछ र सनसुनको संक्रमणबाट टाढा राख्दछ ।

हलासना

सबैभन्दा पहिले योगा म्याटमा सुत्नुहोस् । अब आफ्नो हात शरीरको नजिक राख्नुहोस् । हत्केलाहरू जमिनतिर राख्नुहोस् । श्वास लिँदै खुट्टामाथि उठाउनुहोस् ।

अब खुट्टालाई ९० डिग्रीमा लैजानुहोस् । खुट्टालाई उठाइ राख्नुहोस् र कम्मरलाई हातले समर्थन गर्नुहोस् । खुट्टालाई टाउकोतिर झुकाउँदैं लैजानुहोस् । अब कम्मरबाट हातहरू हटाउनुहोस र भुइँमा सिधा राख्नुहोस् । यो पोजिसनमा एक मिनेटसम्म राख्नुहोस् । अब पुरानै स्थितिमा आउनुहोस् ।

पश्चिमोत्तनासन

सबैभन्दा पहिले योगा म्याटमा बस्नुहोस् । खुट्टा सिधा राख्नुहोस् । अब गहिरो श्वास लिनुहोस् र आफ्नो हात माथि उठाउनुहोस् । पछाडिको भाग सिधा राख्नुहोस् । यस आसनमा श्वास छोड्दा, विस्तारै अगाडि झुक्नुहोस् तर मेरुदण्ड घुम्न नदिनुहोस् । अब विस्तारै आफ्नो मेरुदण्ड झुकाउनुहोस र आफ्नो हातले दुवै खुट्टाको औंलाहरू समात्नुहोस् । यो मुद्रामा २० देखि ३० सेकेन्डसम्म बस्न सक्नुहुन्छ ।

धनुरासन

सबैभन्दा पहिले योगा म्याटमा भुइँतिर फर्केर सुत्नुहोस् । हत्केलाहरु खुला गरेर हातलाई छेउमा राख्नुहोस् । खुट्टालाई थोरै फैलाउनुहोस् । गहिरो श्वास लिनुहोस् । र दुवै खुट्टा एकसाथ उठाउनुहोस् । घुँडा झुकाउनुहोस र दुवै हातले खुट्टा समात्नुहोस् । सीधा अगाडि हेर्दा विस्तारै अनुहार र शरीर उठाउनुहोस् । १०–३० सेकेन्डको लागि यो मुद्रामा रहनुहोस् र शान्तिपूर्वक श्वास फेर्नुहोस् । श्वास छोड्दा विस्तारै पहिलाकै पोजिसनमा आउनुहोस् ।

-एजेन्सीको सहयोगमा