योग स्वास्थ्यको लागि धेरै लाभदायक छ । मानसिक र शारीरिक स्वास्थ्य कायम राख्न योगासन नियमित अभ्यास गर्नुपर्छ । योग अभ्यास सबै उमेरका मानिसहरूका लागि लाभदायक छ । रोग जस्तोसुकै भएपनि योगले राहत दिन्छ ।
योगको महत्व बुझेर आजकल मानिसहरु युट्युब वा अनलाइन भिडियो हेरेर योग अभ्यास गर्न थालेका छन् ।तर यदि तपाइँ पहिलो पटक योग गर्दै हुनुहुन्छ भने, केहि चीजहरू ध्यानमा राख्न आवश्यक छ । योग अभ्यास गर्दा केही आधारभूत गल्तीहरूको कारण, योगको प्रभाव उल्टो हुन सक्छ । योग गर्दा केही स–साना गल्तीहरूबाट बच्नुपर्छ ।
१. श्वासप्रश्वासको ख्याल राख्ने
योगमा श्वासप्रश्वासले महत्त्वपूर्ण भूमिका खेल्छ । यदि पहिलो पटक योग गर्ने व्यक्तिहरूले कुनै प्रशिक्षकको निर्देशन बिना योग गरिरहेका छन् भने, तिनीहरूले आसन गर्दा मुखबाट सास फेर्न हुँदैन भन्ने कुरामा ध्यान दिनु पर्छ । आसनमा कहिले श्वास लिने र कहिले छाड्ने भन्ने पनि थाहा हुनुपर्छ ।
२. खाली पेटमा योग गर्ने
यदि तपाइँ पहिलो पटक योग गर्न जाँदै हुनुहुन्छ भने, तपाइँलाई थाहा हुनुपर्छ कि योग खाली पेटमा गरिन्छ । बिहानको खाजा वा खाना खाएपछि योग नगर्नुहोस् । यदि बिहान योग गर्ने समय छैन भने पनि कम्तिमा ३ घण्टा अगाडिबाट केही नखाएर योग गर्नु राम्रो हुन्छ । योगा गरेपछि तुरुन्तै खाना नखानुहोस् । बरु शरीरलाई आराम दिनुहोस् र त्यसपछि खानुहोस् ।
३. योगको लागि कपडा
योग गर्दा आरामदायी कपडा लगाउनु पर्छ । टाइट कपडा लगाउनाले शरीरको मांसपेशीमा खुम्चने र तान्दा लुगा च्यात्ने डर हुन्छ । अर्कोतर्फ, टाइट कपडाको कारण, तपाईं एकाग्रताका साथ योगमा ध्यान दिन सक्नुहुन्न ।
४. वार्म अप गर्ने
योग वा कसरत गर्नुअघि वार्म अप गर्नुपर्छ । सिधै म्याटमा बसेर योग गर्नुहुँदैन । शरीरलाई सक्रिय बनाउन पहिले वार्म अप गर्नुपर्छ ।
५. कठिन र गलत योग नगर्ने
यदि तपाइँ पहिलो पटक योग गर्दै हुनुहुन्छ भने सुरुमा सरल र आधारभूत योगासनहरू गर्नु राम्रो हुन्छ । कठिन योगासन नगर्नुहोस्, यसले तपाईंलाई चोटपटकको जोखिममा पनि राख्न सक्छ । एकै समयमा, कुनै पनि योग अभ्यासको लागि सही आसन कुन हो भनेर सही रूपमा जान्नुहोस् । गलत मुद्रामा नबस्नुहोस् ।
अमरउजालाबाट भावानुवाद
