योग शरीरलाई स्वस्थ राख्नका साथै मानसिक रूपमा पनि निकै फाइदाजनक हुन्छ । योग अभ्यास सबै उमेरका व्यक्तिका लागि लाभदायक हुन्छ । विद्यार्थी जीवनमा आउने तनावलाई हटाउन पनि योग निकै फाइदाजनक हुन्छ । यसको नियमित अभ्यासले स्मरण शक्ति र एकाग्रता बढाउँछ । त्यहाँ धेरै विशेष योगासनहरू छन्, जसको अभ्यासले तेज दिमागको साथसाथै तपाईँको तनाव कम गर्न सक्छ ।
१. सुखासन
सुखासन योग योगको सबैभन्दा सजिलो र सबैभन्दा लाभदायक व्यायाम हो । यसको अभ्यासले मानसिक र शारीरिक ऊर्जा दिन्छ । सुखासनको अभ्यासका लागि खुट्टामाथि खुट्टा राखेर बस्नुहोस् र ढाँडलाई सीधा राख्नुहोस् । यो आसन गर्दा हातको मुद्रामा विशेष ध्यान दिनुहोस् । यो आसन गर्नाले मनको शक्ति बढ्छ ।
२. पदासन
पदासन गर्न दाहिने खुट्टाको घुँडा झुकाएर देब्रे खुट्टाको तिघ्रामा राख्नुहोस् । यसका साथसाथै दुवै हातलाई टाउकोभन्दा माथि उठाएर नमस्कार गर्ने मुद्रामा आउनुहोस् । केही समय यस स्थितिमा बसेपछि, आरामको अवस्थामा फर्कनुहोस् । पदासन गर्नाले मानसिक तनावबाट मुक्ति मिल्छ र शरीर तन्दुरुस्त हुन्छ ।
३. भुजंगासन
यसले शरीरको लचकता कायम राख्न र पेटको बोसो घटाउन धेरै मद्दत गर्छ । यस आसनको अभ्यास गर्न, पहिले पेटमा सुत्नुहोस् । यसपछि हत्केलालाई काँधसँग मिलाएर राख्नुहोस् । दुई खुट्टाको बिचमा कुनै दूरी हुनु हुँदैन र खुट्टा सीधा हुनुपर्छ । यसपछि सास लिनुहोस् र शरीरको अगाडिको भागलाई माथि उठाउनुहोस् । कम्मरमा धेरै तनाव हुनु हुँदैन । केही सेकेन्डको लागि यो अवस्थामा रहनुहोस् र त्यसपछि गहिरो श्वास छोड्नुहोस् र सामान्य अवस्थामा फर्कनुहोस् ।
अमरउजालाबाट भावानुवाद
