आजकलको जीवनशैली यस्तो बनेको छ कि अधिकांश काम कम्प्युटरमा गर्नुपर्छ । जसका कारण घाँटी दुख्नु स्वभाविक हो । यसबाहेक बालबालिकामा पढाइको यति धेरै दबाब छ कि उनीहरू १२–१२ घण्टा लगातार एउटै मुद्रामा बसेर अध्ययन गर्छन् । जसका कारण घाँटी दुख्न थाल्छ ।
यस्तो अवस्थामा कुनै पनि प्रकारको औषधि सेवन गर्नुभन्दा दैनिक योग अभ्यास गर्नु राम्रो हुन्छ । शलभासन योग यसका लागि फाइदाजनक योग मानिन्छ ।
यो योग कसरी गर्ने त ?
-शलभासन गर्न भुईँमा म्याट बिछ्याएर पेटमा सुत्नुहोस् ।
-त्यसपछि दुवै खुट्टा सीधा राख्नुहोस् र हात कम्मर नजिक र सीधा राख्नुहोस् । हत्केलालाई माथितिर फर्काएर राख्नुहोस् ।
-अब गहिरो सास लिनुहोस्, आफ्नो दाहिने खुट्टा भित्ता तिर माथि उठाउनुहोस् । यस समयमा, आफ्नो घुँडा नफर्काई सास फेर्न जारी राख्नुहोस् ।
-अब दाहिने खुट्टा तल राख्नुहोस् । आफ्नो बायाँ खुट्टा सँग समान प्रक्रिया दोहोर्याउनुहोस् । यो प्रक्रिया गर्दा हातहरू स्थिर राख्नुहोस् । अब -सास फेर्दा दुवै खुट्टा माथि उठाउनुहोस् । आफ्नो घुँडा न झुकाउनुहोस् ।
-हातहरूलाई कम्मरको स्तरमा सीधा राख्नुहोस् र सास फेर्न जारी राख्नुहोस् । अब टाउको माथि उठाउनुहोस् । खुट्टा तल ल्याउनुहोस् र आराम स्थितिमा आउनुहोस् ।
-यो आसन दुईदेखि चार मिनेटसम्म अभ्यास गर्नुहोस् ।
शलभासनको फाइदाहरू
शलभासनको नियमित अभ्यासले शरीरको लचकता बढाउँछ । जसले गर्दा हरेक परिस्थितिमा काम गर्ने क्षमता बढ्छ । यसका साथसाथै ढाडको मांसपेशी बलियो हुन्छ र ढाडको दुखाइमा आराम मिल्छ ।
यो योग क्रियाले घाँटी, काँध र हातको नसालाई आराम दिन्छ । त्यस्तै, शलभासन गर्नाले पाचन प्रक्रियामा पनि सुधार हुन्छ र पेट वरिपरि जमेको बोसो कम हुन थाल्छ । यसका साथै यसले शरीरको मुद्रालाई पनि ठिक गर्छ ।
अमर उजालाबाट भावानुवाद
