नियमित योग अभ्यासले मन र शरीरलाई स्वस्थ राख्छ । योग अभ्यास गर्दा धेरै शारीरिक र मानसिक फाइदाहरू छन् । धेरैजसो मानिसहरू बिहान योग अभ्यास गर्छन् वा बेलुका आफ्नो खाली समयमा योग गर्छन् । तर प्रायः मानिसहरू चिन्तित हुन्छन् कि खाना खाएपछि, आफ्नो पेटको बोसो नबढोस् । तौल बढ्ने डरले मानिसहरु खाना खाएपछि हिँडेर खाना पचाउन खोज्छन् ।
पाचन प्रक्रिया ठीक हुनाले पेटको समस्या हुँदैन र तौल पनि नियन्त्रणमा रहन्छ । तर के तपाईलाई थाहा छ खाना खाने बित्तिकै योगा पनि गर्न सकिन्छ ? योग विज्ञहरू भन्छन् कि खाना खाएको तुरुन्तै १५ मिनेटको लागि योग अभ्यासले सबैभन्दा प्रभावकारी रूपमा पाचन प्रणालीलाई व्यवस्थित गर्न मद्दत गर्दछ ।
खाना खाएपछि तुरुन्तै वज्रासन गर्ने
पाचन प्रणाली ठीक राख्नको लागि वज्रासनको आसनमा बसेर खाना खानुपर्छ । वज्रासन भनेको घुँडा टेक्ने आसन हो । यसलाई डायमण्ड पोज पनि भनिन्छ । वज्रासनले शरीरको मेटाबोलिजम मात्र बढाउँदैन पेटको बोसो घटाउन पनि मद्दत गर्छ ।
वज्रासन कसरी गर्ने ?
चरण १– योग अभ्यासको लागि, भुइँमा आफ्नो घुँडा टेकेर बस्नुहोस् र आफ्नो औंलाहरू पछाडि पार गर्नुहोस् ।
चरण २– शरीरलाई बिस्तारै तल सार्दा, हिप्सलाई खुट्टामा राख्नुहोस् र तिघ्रालाई पिँडुलाको मांसपेशीमा राख्नुहोस् ।
स्टेप ३– अब दुबै हातलाई घुँडामा राखेर टाउको सीधा राख्नुहोस् र अगाडि हेर्नुहोस् ।
चरण ४– सासको चाललाई केन्द्रित राखेर आँखा बन्द गर्नुहोस् । सासको गति माथि र तल बराबर हुनुपर्छ ।
यो योग सुरुमा कम्तिमा पाँच मिनेटको लागि गर्नुहोस् र तपाईं यसलाई अधिकतम १० मिनेटसम्म गर्न सक्नुहुन्छ ।
वज्रासनका फाइदाहरू
-वज्रासनको नियमित अभ्यासले पाचन क्रियामा सुधार गर्छ र कब्जियतको समस्या हटाउँछ ।
-यसले अल्सर र एसिडिटी जस्ता समस्या निको पार्न पनि मद्दत गर्छ ।
-वज्रासनको नियमित अभ्यासले ढाड र मेरुदण्ड बलियो बनाउँछ र ढाड दुखाइ र साइटिका रोगीहरूलाई राहत दिन्छ ।
-शरीरमा श्रोणि मांसपेशीहरूलाई बलियो बनाउन पनि वज्रासन प्रभावकारी हुन्छ ।
-बेलुकीको खानापछि यो आसन गर्नाले पेटको बोसो घट्छ र निद्रा राम्रो हुन्छ ।
अमरउजालाबाट भावानुवाद
