राम्रो निद्रा राम्रो स्वास्थ्य को लागी धेरै महत्त्वपूर्ण छ। राम्रो निद्राको लागि सात देखि आठ घण्टा सुत्नु पर्छ। आजको दौडधुपको जीवनमा थकान लाग्न सक्छ तर निद्रा लाग्दैन ।
जीवनशैलीमा आएको परिवर्तनका कारण मानिसहरु राति अबेरसम्म जाग्राम बस्छन् । फोनको लत र सामाजिक सञ्जाल र टिभी हेर्ने बानीका कारण आजकल अधिकांश मानिस राति अबेरसम्म जाग्राम बस्छन् ।
जसका कारण उनीहरुलाई राम्रो निन्द्रा पर्दैन र उनीहरुको स्वास्थ्यमा नराम्रो असर परेको छ । यस्तो अवस्थामा सुत्नुअघि केही योगासन र स्ट्रेचिङ गर्नाले राम्रो निन्द्रा लिन सकिन्छ । योग र स्ट्रेचिङले तपाईंको तनाव कम गर्छ ।
यसले मांसपेशीलाई आराम दिनुका साथै शरीरलाई लचिलो बनाउन पनि मद्दत गर्छ । यस्तो अवस्थामा, राम्रो निद्रा र स्वस्थ दिमाग र शरीरको लागि, राती सुत्नु अघि यी योग आसनहरू गर्नुहोस् ।
शलाभासन
निद्राको समस्याबाट छुटकारा पाउन राती सुत्नुभन्दा आधा घण्टा अगाडि शलभासन योग गर्न सक्नुहुन्छ । यो आसन गर्न पेटमा सुत्नुहोस् र दुवै हत्केलालाई तिघ्राको मुनि राख्नुहोस् । अब खुट्टा जोडेर खुट्टाको औंलालाई सीधा राख्नुहोस् । त्यसपछि खुट्टा उठाउँदै गहिरो सास लिनुहोस् । केही समय यस स्थितिमा बसेपछि, मूल अवस्थामा फर्कनुहोस् ।
शवासन
राति सुत्ने समयमा आउने समस्याबाट छुटकारा पाउनको लागि नियमित रूपमा शवासन गर्न सक्नुहुन्छ । यो योग राति सुत्नुअघि पनि गर्न सकिन्छ । शवासन गर्नको लागि पछाडि सुत्दा दुई खुट्टाको बीचमा एक फिटको दूरी राख्नुहोस् । त्यसपछि शरीरलाई खुट्टाबाट खुट्टाको औंलासम्म छाडेर आरामसँग सास फेर्नुहोस् र पूरै शरीरलाई खुकुलो छोड्नुहोस् । यो आसनले सबै थकित मांसपेशी र काँधलाई आराम दिन्छ ।
उत्तानासन
उत्तानासनको नियमित अभ्यासले निद्रामा फरक छिट्टै देखिनेछ । यो आसन गर्न, सीधा उभिनुहोस् । अब लामो सास लिएर दुवै हातलाई माथितिर लैजानुहोस् र सास छोड्नुहोस् । त्यसपछि हातहरू तल जमिनतिर सार्नुहोस् र खुट्टाको औंलाहरू छुने प्रयास गर्नुहोस् ।
बालासन
राति निद्रा लागेन भने बालासन अभ्यास गर्न सकिन्छ । यो आसन गर्नाले मन शान्त रहन्छ । बालासन गर्न, वज्रासन मुद्रामा बस्नुहोस् र सास लिने क्रममा, दुवै हातहरू सीधा टाउको माथि उठाउनुहोस् । त्यसपछि श्वास छोड्दा अगाडि झुक्नुहोस् । हत्केला र टाउकोलाई भुइँमा राखेर राख्नुहोस् । अब श्वास लिने र बाहिर निकाल्दा औँलाहरू जोडेर दुई हत्केलाको बीचमा टाउकोलाई बिस्तारै राख्नुहोस् ।
अमरउजालाबाट भावानुवाद
