स्वस्थ रहनका लागि सानैदेखि आफ्नो शरीर र मस्तिष्कलाई स्वस्थ राख्न प्रयास गर्नुपर्छ । यसका लागि नियमित व्यायाम र योगाभ्यास गर्नुपर्छ । योगासन धेरै प्रकारका बिरामीबाट बच्नका लागि फइदाजनक हुने गर्दछ ।
योगले हाम्रो शरीरलाई स्वस्थ राख्नुका साथ साथै मस्तिष्कलाई पनि स्थिर राख्छ । थुपै्र बिरामीबाट छुटकारा पाउनका लागि पनि विशेषज्ञहरु योगासन गर्ने सलाह दिने गर्दछन् । योग गर्न चाहनुहुन्छ भने तीन प्रकारका योगासन सबै उमेर समूहलाई फाइदा हुने गर्दछ । नियमित चार योगासनलाई बच्चा र वयस्क सबैले गर्न सक्छन् । यसले शरीरलाई निकै फाइदा हुने गर्दछ ।
जहाँ बच्चाहरुमा एकाग्रता, उचाइ वृद्धिमा सहयोगी हुने गर्दछ भने वयस्कहरुमा इम्युनिटी बलियो हुने गर्दछ । साथै, धेरै प्रकारका रोगहरुबाट छुटकारा पाउन सकिन्छ ।
सर्वागासन
यो योगासन किशोरावस्थामा गर्नाले लाभ मिल्छ । सर्वांगासन गर्ने समयमा पिठ्युलाई बल दिएर अगाडि भागमा झुक्नुहोस् । दुवै खुट्टा एक अर्कोमा जोडदै र हत्केलालाई भुइँको दिशा मा राख्ने । हत्केलाले भुइँलाई दबाउँदै दुबै खुट्टालाई छत्तको दिशातर्फ सिधा उठाउने, हिप र कम्मरलाई जमिनबाट माथि उठाउँदै कुहिनालाई मोड्दै कम्मरमा राख्ने । आफ्नो हातको सहयोग लिदै शरीरलाई ९० डिग्रीको कोणमा राख्ने ।
प्राणयाम
प्राणयामको अभ्यास मस्तिष्कका कोषिकाहरुमा अक्सिजन को संचार राम्रो बनाएर राख्न सहयोेग गर्छ । तान्त्रिक तन्त्रको व्यवस्थित राख्न, मोटोपन, मधुमेहलाई कम गर्न, शरीरबाट विषक्ततालाई निकाल्नलाई पनि यस योगको अभ्यासलाई लाभकारी मानिन्छ । प्राणयामको अभ्यासले तनावको स्तर पनि कम हुने गर्दछ । जसलाई कपाल झर्ने प्रमुख कारणमा एक मानिन्छ । कपालभाति, अनुलोम, विलोमजस्ता प्राणयामको नियमित अभ्यासको बानी बनाएर शरीरका लागि धेरै फाइदा लिन सकिन्छ ।
शीर्षासन
मष्तिष्कलाई शान्त र स्वस्थ राख्नका लागि शीर्षासनको अभ्यास गर्न सकिन्छ । यसले थाइराइड र प्याराथाइराइड ग्रन्थीको काममा पनि सुधार ल्याउँछ । संज्ञानात्मक कार्य क्षमतामा पनि सुधार ल्याउनका लागि यसको अत्याधिक अभ्यास गर्ने गरिन्छ । यस योगको अभ्यासको बानी बनाएर मानसिक स्वास्थ्यलाई राम्रो बनाएर राख्नुका साथ साथै एकाग्रतालाई पनि ठिक राख्न सहयोग पुर्याउँछ ।
