टाउको दुखाइ धेरै कामको दबाब, चिन्ता, निद्रासम्बन्धि विकार र अन्य धेरै स्वास्थ्य समस्याहरूको कारण हुन सक्छ। टाउको दुखाइ दुई प्रकारका हुन्छन्, एउटा सामान्य टाउको दुखाइ र अर्को माइग्रेन। यी दुवै अवस्थाले सामान्य जीवन कार्यलाई असर गर्न सक्छ।
यी दुवै अवस्थाले दैनिक कार्यलाई असर गर्न सक्छ। ध्यान, योग,अभ्यास गर्दा माइग्रेन भएका मानिसहरूलाई फाइदा हुनसक्ने सन् २००७मा प्रकाशित एक अध्ययनले सुझाएको छ। यति मात्र होइन, निधार, घाँटी र वरपरका भागको दुखाइ पनि योगद्वारा कम गर्न सकिन्छ।
स्वास्थ्य विज्ञहरूका अनुसार टाउको दुख्ने धेरैजसो केसहरू तनाव र थकानसँग सम्बन्धित हुन्छन्। त्यसैले यसलाई श्वासप्रश्वासको व्यायाम र ध्यान आसनबाट सजिलै निको पार्न सकिन्छ।
ब्रिज पोज योग
ब्रिज पोज वा सेतुबन्धासनको नियमित अभ्यासले टाउको दुख्ने वा माइग्रेनको समस्याबाट छुटकारा पाउन मद्दत गर्छ। यसले तनाव र चिन्ताको समस्यालाई कम गर्नुका साथै मानसिक शान्ति बढाउन मद्दत गर्छ, जसका कारण टाउको दुख्ने समस्यालाई धेरै हदसम्म कम गर्न सकिन्छ।
हस्तपदासना
टाउको दुख्ने समस्यालाई हटाउन हस्तपदासना वा स्ट्यान्डिङ फर्वार्ड बेन्ड योगको अभ्यास निकै उपयोगी मानिन्छ। यसले रक्त आपूर्ति बढाएर स्नायु प्रणालीलाई बलियो बनाउँछ र दिमागलाई पनि शान्त बनाउँछ। यो योगासन नियमित ५ देखि १० मिनेटसम्म गर्नाले लाभ प्राप्त गर्न सकिन्छ ।
बालासना योग अभ्यास
स्वास्थ्य विज्ञहरूका अनुसार बच्चाको मुद्रा वा बालासना अभ्यास गर्दा टाउको दुख्ने वा माइग्रेन हुने मानिसहरूका लागि लाभदायक हुन सक्छ। बालासन योगलाई स्नायु प्रणालीलाई शान्त पार्नुका साथै पीडालाई प्रभावकारी रूपमा कम गर्न सहयोगी मानिन्छ।
प्राणायाम
नियमित रूपमा प्राणायामको अभ्यासले शरीरमा रगत र अक्सिजनको प्रवाहलाई बढावा दिन फाइदाजनक हुन्छ। टाउको दुख्ने सबै कारकहरूलाई कम गर्नुका साथै यसले माइग्रेनको समस्याबाट पनि राहत दिन्छ। प्राणायामको नियमित अभ्यास गर्नु निकै लाभदायक मानिन्छ ।
-एजेन्सी
