बदलिँदो मौसमले बालबालिकालाई सबैभन्दा बढी असर गर्छ । उनीहरूको रोग प्रतिरोधात्मक क्षमता कमजोर हुने भएकाले जाडो मौसममा बालबालिका बारम्बार बिरामी पर्छन् । जाडोमा बालबालिकालाई रुघाखोकी, ज्वरो र रुघाखोकी लाग्ने गर्छ । कमजोर रोग प्रतिरोधात्मक क्षमताका कारण बालबालिकामा स्वास्थ्य सम्बन्धी समस्या झन् बढ्छ ।
आमाबाबुले आफ्ना बच्चाहरूलाई मौसमी फ्लुबाट जोगाउन हर उपाय प्रयास गर्छन्, तर पनि बच्चाहरू रोगको सिकार हुन्छन् । यदि तपाईँको बच्चा पनि जाडो मौसममा बारम्बार चिसोबाट पीडित हुन्छन् भने यस्तो अवस्थामा उनीहरूको खानपानमा ध्यान दिनु जरुरी हुन्छ । जाडोमा बालबालिकालाई स्वस्थ राख्नको लागि उनीहरूको आहारमा के–के कुरामा ध्यान दिनुपर्छ भन्ने कुरा हामीले आजको लेखमा चर्चा गरेका छौँ ।
बालबालिकालाई चिसोबाट जोगाउने केही सुपरफुडहरू रहेका छन् जसको सेवनले रोग प्रतिरोधात्मक क्षमता बढाउन मद्दत गर्छ ।
फलफूल
बालबालिकाको रोग प्रतिरोधात्मक क्षमता बढाउनका लागि उनीहरूको आहारमा फलफूल समावेश गर्नु निकै जरुरी हुन्छ । सुन्तला, अङ्गुर आदि जस्ता फलफूलमा प्रचुर मात्रामा भिटामिन सी हुन्छ । जसले धेरै रोगबाट बच्न मद्दत गर्छ । यी फलफूललाई इम्युनिटी बुस्टर भनेर चिनिन्छन् । यदि बच्चाहरू यी फलहरू खान रुचाउँदैनन् भने कहिलेकाहीँ जुस त कहिले सलादको रुपमा दिन सक्नुहुन्छ ।
दही
प्रोबायोटिक्स युक्त दही खाँदा रोग प्रतिरोधात्मक क्षमता बलियो हुन्छ । बालबालिकाको दैनिक आहारमा पर्याप्त मात्रामा दही खुवाउन सकिन्छ । यसले पाचन क्रियालाई स्वस्थ राख्नुका साथै रोग प्रतिरोधात्मक क्षमतालाई पनि बलियो बनाउँछ । दहीमा पर्याप्त मात्रामा क्याल्सियम पाइन्छ जसले हड्डीलाई मजबुत बनाउँछ ।
हरियो तरकारी
पोषक तत्त्वले भरिपूर्ण हरियो सागसब्जी खाँदा रोग प्रतिरोधात्मक क्षमता बढ्छ । यसमा पाइने फाइबरले पाचन प्रणालीलाई स्वस्थ राख्छ । बालबालिकाले आफ्नो आहारमा पालक, काउली र ब्रोकाउली जस्ता पत्तादार तथा रेसादार तरकारीहरू समावेश गर्न सकिन्छ । यसमा भिटामिन सी, भिटामिन के, फोलेट र अन्य धेरै पोषक तत्त्व पाइन्छ ।
अदुवा
अदुवा एन्टिअक्सिडेन्टको समृद्ध स्रोत हो । यसले प्रतिरक्षा प्रणालीलाई बलियो बनाउँछ । यसलाई स्वादिष्ट बनाउन यसलाई सानो टुक्रामा काट्नुहोस् र त्यसपछि यसमा गुँड थप्नुहोस् । यसरी बच्चालाई अदुवा खुवाउन सकिन्छ । जसले गर्दा बालबालिका जाडोमा रोगबाट सुरक्षित हुन्छन् ।
नोटः यो लेख सामान्य सहयोगका लागि मात्रै हो । यदी बालबालिकामा चिसोका कारण धेरै समस्या बढ्दै गएको छ भने, यस्तो अवस्थामा स्वास्थ्य विशेषज्ञको सल्लाह लिनुहोस्।
