आजकल मानिसले अपनाएको जीवनशैलीका कारण पुरुषसँगै महिलामा पनि प्रजनन क्षमता सम्बन्धी समस्या देखिने गरेको छ । तनाव, डिप्रेसन, चिन्ता, अस्वस्थ खाने बानी, कम निद्रा, लगातार बसेर काम गर्नेजस्ता बानीहरूले पनि महिलामा प्रजनन क्षमतामा समस्या निम्त्याउन सक्छ । आमा बन्ने योजनामा रहेका महिलाहरूले योजना हुनु अगाडी नै स्वस्थ खानपान र स्वस्थ जीवनशैली अपनाउन एकदम जरुरी छ । प्रजनन क्षमता बढाउनका लागि महिलाहरूले यी खानेकुरा सेवन गर्न सक्नुहुनेछ ।
बदाम
बदाम धेरै स्वस्थ सुख्खा फल हो । यसमा पाइने म्याङ्गनीज, कपर, भिटामिन ई र बायोटिनले महिलामा हुने बाँझोपनको समस्यालाई समाधान गर्छ । यो ड्राई फ्रुटले अण्डाको गुणस्तर सुधार गर्छ । यसको सेवनले बच्चाको विकास पनि राम्रोसँग हुन्छ । नियमित बदामको सेवनले सुत्केरी हुने पीडासमेत कम गराउँछ ।
हरियो तरकारीले
महिलाहरूले आफ्नो प्रजनन क्षमता सुधार गर्न आहार विहारमा धेरै ख्याल गर्नुपर्छ । प्रजनन क्षमता बढाउन दैनिक खानामा पालक, ब्रोकाउली, काउली लगायतका हरियो तरकारी समावेश गर्नुहोस् । यी सब्जीहरूमा भिटामिन बी र फोलेट उच्च हुन्छ, जसले अण्डाशयलाई सुधार गर्छ ।
सिमी
सिमीले बाँझोपनको समस्या पनि समाधान गर्ने विशेषज्ञहरू बताउँछन् । यदि तपाईँ गर्भधारण गर्ने योजना बनाउँदै हुनुहुन्छ भने सिम खान सुरु गर्नुहोस् । यसमा पाइने प्रोटिन र आइरनले अण्डाशयलाई स्वस्थ राख्छ । उच्च मात्रामा फाइबर र कम बोसोले तौल पनि नियन्त्रणमा राख्छ ।
डेरी उत्पादन
प्रजनन स्वास्थ्यका लागि डेरी उत्पादन लाभदायक मानिन्छ । जसमा पर्याप्त मात्रामा क्याल्सियम पाइन्छ । डेरी उत्पादनले हड्डी स्वस्थ राख्नुका साथै प्रजनन क्षमता पनि बढाउँछ । त्यसैले दूध, दही, चीज, बटरमिल आदि दुग्धजन्य पदार्थ पिउनुहोस् । यी खानेकुरामा पाइने एक विशेष प्रकारको प्रोटिनले अण्डाको स्वास्थ्यमा सुधार गर्छ । अण्डाशयको काममा सुधार हुन्छ । ओभुलेशनको समस्या पनि हट्छ ।
–एजेन्सीको सहयोगमा
