महिलाहरु सुन्दर देखिनका लागि धेरै किसिमका क्रिम, पाउडर, लिपस्टिकको प्रयोग गर्ने गर्दछन् । तर के तपाईले कहिल्यै ध्यान दिनुभएको छ कि यी चिजहरुबाट तपाईको अनुहारमा कस्तो साइड इफेक्ट हुन्छ वा यी ब्यूटी प्रोडक्टहरु लामो समयसम्म राख्नाले तपाईलाई के हानि हुन सक्छ ? धेरै पटक हामीले अनजानमा केही गल्ती गर्छौं जसले छालालाई धेरै नोक्सान पु¥याउन सक्छ ।
मेकअप लगाएर कहिल्यै नसुत्नुहोस् – मेकअप बिना काम चल्दैन, तर यसबाट छुटकारा पाउन पनि उत्तिकै महत्त्वपूर्ण छ । घरमा आउँदा जतिसुकै थकित भए पनि मेकअप लगाएर सुत्नु हुँदैन किनभने यो छालाको लागि निकै खतरनाक हुन्छ । यदि तपाई मेकअप लगाएर सुत्नुहुन्छ भने तपाईको छाला नराम्ररी बिग्रन्छ । यसले छालाको छिद्रहरू बन्द गर्छ, जसका कारण छालाले राम्रोसँग सास फेर्न सक्दैन र तपाइँलाई पिम्पलको समस्या हुन्छ ।
स्पालाई नाइँ भन्नुस्– स्पा लिनु राम्रो हो, तर धेरै स्पा गर्नुले छालालाई पनि हानी पु¥याउँछ । यसो गर्नाले छालाको प्राकृतिक चमक र लचिलोपन हराउँछ । यदि तपाईलाई धेरै स्पा गर्ने बानी छ भने तुरुन्तै हटाउनुहोस् ।
पिम्पल फुटाउनुु – पिम्पल हुनु सामान्य कुरा हो । प्रायः केटीहरूलाई एक उमेर पछि पिम्पल हुन थाल्छ, तर धेरैको यसलाई फुटाउने बानी हुन्छ । त्यसो गर्नु धेरै हानिकारक हुन सक्छ । यसो गर्दा पिम्पलको ब्याक्टेरिया र फोहोर छालाको छिद्रमा जान्छ, जसका कारण छालामा स्थायी दाग बन्न थाल्छ ।
कन्सिलर– महिलाहरूले प्रायः छालाको कालो भाग लुकाउन र मेकअपलाई परफेक्ट बनाउन धेरै कन्सिलर प्रयोग गर्छन् । यसो गर्दा अनुहारलाई पनि हानि पु¥याउन सक्छ । यसले तपाईको छालामा चाउरी पर्न सक्छ र छालालाई नोक्सान पु¥याउन सक्छ ।
सस्तो लिपस्टिक नलगाउनु– लिपस्टिक हरेक केटीको मनपर्ने मेकअप उत्पादन हो । तर धेरै पटक पैसा बचाउन महिलाहरूले सस्तो लिपस्टिक किन्छन्, जसले ओठलाई धेरै नोक्सान पु¥याउँछ । सस्तो लिपस्टिक लगाउनाले ओठ कालो हुन्छ र फुट्न थाल्छ । सधैं गुणस्तरीय लिपस्टिक मात्र लगाउने प्रयास गर्नुहोस् ।
एजेन्सीको सहयोगमा
