यौन संचारित रोगहरू जस्तै– गोनोरिया, क्लामिडिया, हर्पेस, एचआईभी आदि सधैं साना लक्षणहरूबाट सुरु हुन्छ । अन्य रोगजस्तै यौनजन्य रोगका लक्षण पनि शरीरमा देखिन्छन् । तर, उचित जानकारीको कमीको कारण धेरै मानिसहरूले यी लक्षणहरूलाई बेवास्ता गर्छन् वा यसलाई सामान्य समस्याको रूपमा हेरेर टाढा जान्छन् ।
नामले नै संकेत गरे जस्तै, यी रोगहरू कुनै पनि प्रकारको यौन सम्पर्क वा संक्रमित व्यक्तिको चीजहरू प्रयोग गरेर फैलिन्छ । यो रोगको प्रारम्भिक लक्षण संक्रमित व्यक्तिमा देखिन्छ। समयमै उपचार नगर्दा यो रोग तीव्र गतिमा बढ्न थाल्छ र सम्पूर्ण शरीरमा क्षति पुग्छ ।
आउनुहोस् जानौं ’यौन सर्ने रोग’का केही प्रारम्भिक लक्षणहरू…
यौन संचारित रोगको लक्षण
१. यौनाङ्गबाट डिस्चार्ज
योनि र लिंगबाट धेरै पटक स्राव हुन्छ । तर यदि तपाईंको योनि, लिंग वा मलद्वारबाट यस्तो स्राव हुन्छ, जुन सामान्य देखिँदैन भने, तपाईंले तुरुन्तै डाक्टरमा जानुपर्छ । डाक्टरमा जानुअघि, डिस्चार्जको रंगमा ध्यान दिनुहोस् । यो डिस्चार्जबाट दुर्गन्ध आइरहेको छ कि छैन र यदि आउँदैछ भने कसरी आउँदैछ भनेर पनि ध्यान दिनुहोस् । यसबाहेक यो समस्या बढ्दै गएको छ भने डाक्टरकहाँ जान ढिला नगर्नुहोस् ।
२. पिसाब गर्दा दुखेको महशुस हुने
पिसाब गर्दा दुखाइ महसुस हुनु पनि यो रोगको लक्षण हो । यदि तपाईंलाई धेरै दिनदेखि दुखाइ छ वा तपाईंलाई असहज महसुस भइरहेको छ भने, तुरुन्तै डाक्टरसँग परामर्श गर्नुहोस् । धेरैले यो समस्यालाई सामान्य सम्झेर गल्ती गर्छन् र कम पानी पिउनुका कारण यस्तो भएको हो भन्ने सोच्छन् । तर समस्या गम्भीर महसुस हुन थाल्छ, यसलाई बेवास्ता गर्नु हुँदैन । किनभने यसले रोग बढ्न सक्छ ।
३. यौनाङ्गको छालामा परिवर्तन हुनु
यदि यौनाङ्गको छालामा गाँठो छ भने वा केही फरक महसुस भएमा त्यसलाई बेवास्ता नगर्नुहोस् । यो समस्यामा ध्यान दिनुहोस्, यदि तपाइँ आफ्नो समस्या बढ्दै गएको देख्नुहुन्छ भने, तुरुन्तै डाक्टरको सल्लाह लिनुहोस् ।
४. चिलाउने समस्या
शरीरको तरल पदार्थको पीएच लेभलले जननांग अर्थात् प्राइभेट पार्टलाई सफा राख्न मद्दत गर्छ । संभोग पछि योनि र लिंग धुन पनि सल्लाह दिइन्छ । तर, यी अंगहरूमा चिलाउने महसुस भएमा ढिलो नगर्नुहोस् र तुरुन्तै डाक्टरसँग परामर्श लिनुहोस् ।
५. यौनाङ्गमा घाउ आउने
धेरै मानिसहरु आफ्नो प्राइभेट पार्ट्सको सरसफाईमा ध्यान दिदैनन्, जसका कारण कहिलेकाहीँ यी अंगहरुमा घाउ वा फोका देखिने गर्दछ । तर, यौन रोगको अवस्थामा, छाला र घाउ धेरै बाक्लो हुन्छ, जुन हट्दैन र बढ्दै जान्छ । यदि तपाईलाई यी लक्षणहरू महसुस भएमा, तुरुन्तै आफ्नो चिकित्सकको जाँच गराउनुहोस् । यसबाहेक तल्लो पेट दुख्ने, दिसा गर्दा दुख्ने, टाउको दुख्ने, ज्वरो आउने, घाँटी दुख्ने, लिम्फ ग्रन्थीहरू सुन्निने, दाग लाग्ने, थकान, पखाला र तौल घट्ने पनि एचआइभी जस्ता यौनजन्य रोगका लक्षण हुन् ।
एजेन्सीको सहयोगमा
