विश्व मुख स्वास्थ्य २० मार्चमा मनाइन्छ । यो दिवस मनाउने उद्देश्य मानिसलाई मुख स्वास्थ्यको समस्याबारे सचेत गराउनु हो । मानिसहरू दाँत, जिब्रो वा मुखको अन्य भागहरूमा समस्याहरूको बारेमा गम्भीर हुनुपर्छ । कहिलेकाहीँ यी साना समस्याहरू ठूला रोगहरूको कारण पनि बन्न सक्छन् । मुखबाट दुर्गन्धित सास मौखिक स्वास्थ्य संग सम्बन्धित बिरामी भएको लक्षण हुन सक्छ । कहिलेकाहीँ रोग गम्भीर हुन सक्छ ।
यस्ता छन् सास गन्हाउने ५ कारण
१. लसुन, प्याजको खपत सेवन
लसुन र प्याजको गन्ध धेरै खराब छ । टाढा उभिने व्यक्तिले पनि लसुन वा प्याज खाएको थाहा पाउन सक्छ । यदि तपाइँ नियमित रूपमा प्याज, लसुन खाँदै हुनुहुन्छ भने यसले तपाईँको सास गन्हाउन सक्छ ।
२. रक्सीको सेवन तथा धुम्रपान
रक्सी र धुम्रपान गर्नेको मुखबाट पनि दुर्गन्ध आउँछ । रक्सीको गन्ध धेरै टाढाबाट आउँछ । त्यसैगरी, धुम्रपान गर्नेहरू पनि टाढैबाट चिनिन्छन् ।
३. सुक्खा मुख
सामान्यतया, सबै मानिसहरूको मुखमा तरल पदार्थ बन्दछ जसलाई हामी ¥याल भन्दछौँ । र्यालले मुखको ब्याक्टेरिया सफा गर्न मद्दत गर्छ । तर जसको मुखमा राम्ररी र्याल छैन, त्यस्ता व्यक्तिमा श्वास गन्हाउने समस्या आउन सक्छ ।
४. औषधिको रियाक्सन
मुख, नाक वा घाँटीमा कुनै किसिमको रोग लाग्नु, औषधिको प्रतिक्रिया वा दुवै कारणले पनि सास गन्हाउन सक्छ । औषधिको साइड ईफेक्ट अर्थात सिरयाक्सनले पनि यस्तो मस्या हुन सक्छ ।
५. पेट दुख्ने
कहिलेकाहीँ पेट दुख्ने र ग्यास्ट्रोएसोफेजियल रिफ्लक्स रोग बाहेक अन्य स्वास्थ्य कारणहरूले गर्दा सास गन्हाउन सक्छ । मुखबाट अत्याधिक दुर्गन्ध आएमा चिकित्सकलाई देखाउनुपर्छ ।
एजेन्सीको सहयोगमा
