प्रायः सबै घरहरूमा चिया बनाइन्छ, यद्यपि आफ्नो स्वास्थ्यको बारेमा बढी चिन्तितहरूले दूधको चियाको सट्टा ग्रीन टी मन पराउँछन् । कतिपय मानिसहरु यस्ता हुन्छन् जसले ४ दिनसम्म ग्रीन टी पिउने र त्यसपछि दुधको चियामा फर्किन्छन् ।
ग्रीन टी पिउनुका केही यी फाइदाहरु थाहा पाएपछि तपाईले दैनिक रुपमा ग्रीन टी पिउनु हुनेछ ।
ग्रीन टीमा ती सबै पोषक तत्वहरू पाइन्छ, जसले स्वास्थ्यलाई फाइदा पु¥याउँछ । यसमा मुख्यतया भिटामिन ए, भिटामिन ई, भिटामिन बी छ, भिटामिन के, रिबोफ्लेभिन, थायमिन, म्यांगनीज, पोटासियम, कपर, आइरन, अक्सिडेन्ट, पोलिफेनोल जस्ता तत्वहरू पाइन्छ, जसले तपाईंलाई राम्रो स्वास्थ्य प्रदान गर्दछ ।
इम्युनिटी बलियो – आहारविज्ञका अनुसार ग्रीन टीको सेवनले धेरै रोगबाट बच्न सकिन्छ । सबैभन्दा पहिले, यसले शरीरको प्रतिरक्षालाई बलियो बनाउँछ । जसका कारण तपाई कुनै पनि रोगको चपेटामा छिट्टै आउन सक्नुहुन्न । ग्रीन टीमा पाइने एन्टिअक्सिडेन्ट पोलिफेनोलिकले शरीरको रोग प्रतिरोधात्मक क्षमता बढाउने काम गर्छ ।
तौल घटाउन सहयोगी – हरियो चियाको दैनिक सेवनले तौल घटाउन मद्दत गर्छ ।यसमा पोलिफेनोल पाइन्छ जसले शरीरको मेटाबोलिजमलाई बढावा दिन्छ । यसबाहेक यसले शरीरमा बोसोको अक्सिडेशनलाई पनि बढावा दिन्छ । यसमा बोसो र कार्बोहाइड्रेट समावेश छैन । ग्रीन टीले पहिले नै बनेको बोसो घटाउन काम गर्दैन, तर बोसोको गठन रोक्नको लागि भने निकै उपयुक्त काम गर्छ ।
तनाव हटाउन – ग्रीन टीमा पाइने एन्टिअक्सिडेन्ट पोलिफेनोल र एमिनो एसिडको मात्राले शरीरमा हर्मोन सन्तुलन र मुड ठीक गर्ने काम गर्छ । यसबाट तपाई तनावबाट मुक्त हुन सक्नुहुन्छ । दैनिक ग्रीन टी पिउनाले शारीरिक तनावका साथै मानसिक तनावबाट पनि मुक्ति मिल्छ ।
रक्तचाप र मुटुको समस्यामा फाइदा – ग्रीन टीले खराब कोलेस्ट्रोल घटाउन सहयोगी हुनुका साथै राम्रो कोलेस्ट्रोल बढाउन पनि मद्दत गर्छ । यसको नियमित सेवनले रक्तचाप पनि नियन्त्रणमा राख्छ र हृदयघातको जोखिम पनि कम हुन्छ ।
एजेन्सीको सहयोगमा
