सुन्दर र बलियो कपाल कसलाई मन पर्दैन । सबैले त्यसको आकांक्षा राख्छन् । तर, खराब जीवनशैली र खराब खानपानका कारण हामी कपाल झर्ने समस्याको सामना गर्न बाध्य हुन्छौँ । तर, थोरै हेरचाह गरेमा तपाईले स्वस्थ र बलियो कपाल फिर्ता पाउन सक्नुहुन्छ । उचित पोषणको कमीले पनि कपाल झर्छ । त्यसैले सन्तुलित आहार सेवन गर्नु जरुरी छ ।
यदि तपाइँ कपाल सम्बन्धी समस्याहरू जस्तै– कपाल झर्नु, टुक्रिने, कपाल पातलो हुनु आदिको सामना गर्दै हुनुहुन्छ भने यी जुसको सेवन गर्नाले तपाईले कपालसँग सम्बन्धित धेरै समस्याबाट छुटकारा पाउनुहुनेछ ।
सुन्तलाको रस
सुन्तला भिटामिन सी र एन्टिअक्सिडेन्टमा भरपूर हुन्छ, जसले फ्री रेडिकल क्षतिसँग लड्न मद्दत गर्दछ र कपालको वृद्धिलाई बढाउन सक्छ । सुन्तलामा भिटामिन बी १२ र भिटामिन ई पनि प्रशस्त मात्रामा पाइन्छ, जसले कपालको फोलिकल्सलाई मर्मत गर्ने काम गर्छ ।
अमलाको रस
अमला भिटामिन सी को अर्को राम्रो स्रोत हो । यसले कपाललाई स्वस्थ राख्न महत्वपूर्ण भूमिका खेल्छ । अमला कपालको वृद्धि बढाउन सहयोगी हुन्छ । यसमा क्याल्सियम पनि पाइन्छ, जसले कपालको पातलोपनलाई हटाएर स्वस्थ राख्न काम गर्छ ।
चुकन्दरको रस
चुकन्दरको जुसले कपालको वृद्धि बढाउन मद्दत गर्छ । यो जुस निकै स्वस्थकर हुन्छ, जसले धेरै स्वास्थ्य समस्यालाई हटाउन मद्दत गर्छ । यसको कारण यो हो कि यसले हेमोग्लोबिन सुधार गर्न काम गर्दछ ।
नरिवलको पानी
नरिवलको पानी पनि अन्य जुसजस्तै धेरै पौष्टिक हुन्छ, जसले कपालको वृद्धिलाई बढाउँछ । नरिवलको पानीले शरीरलाई हाइड्रेट पनि राख्छ । यसमा यस्ता अत्यावश्यक पोषक तत्वहरू हुन्छन्, जुन स्वस्थ र बलियो कपालको लागि आवश्यक हुन्छ ।
एजेन्सीको सहयोगमा
