पानी हाम्रो शरीरको लागि धेरै महत्त्वपूर्ण छ । शरीरमा यसको कमीका कारण हामीलाई धेरै रोगले घेर्न सक्छ । डाक्टरदेखि विशेषज्ञसम्मका अनुसार आफूलाई स्वस्थ राख्ने हो भने समय–समयमा पानी पिउनुपर्छ । यसले तपाईंलाई दिनभर हाइड्रेटेड राख्छ । हाम्रो शरीरमा करिब ७० प्रतिशत पानी रहन्छ ।पानीको कमीले टाउको दुख्ने, कब्जियत, छाला सुख्खा हुने, जोर्नी दुख्ने, अपच, कम रक्तचाप र मोटोपना र स्तन क्यान्सर जस्ता रोग लाग्न सक्छ ।
आज हामी तपाईलाई कति पानी पिउनुपर्छ र बिहान खाली पेटमा पानी पिउनुका फाइदाहरु के के छन् भनी बताउनेछौँ ?
बिहान खाली पेट पानी पिउनुका फाइदाहरु
खाली पेटमा २ कप पानी पिउनाले छालाको चमक कायम राख्न मद्दत गर्छ र समयपूर्व चाउरी पर्नबाट बचाउँछ । बिहान पानी पिउने बानीले हाम्रो महत्त्वपूर्ण अंगहरूलाई जोगाउँछ र हाइड्रेट गर्छ, तिनीहरूलाई स्वस्थ र राम्रोसँग काम गर्दछ । खाली पेटमा २–३ गिलास पानी पिउनु तौल घटाउनका लागि उपयुक्त हुन्छ ।
हाम्रो शरीरमा पानीको महत्व
हाम्रो शरीर मुख्यतया पानीले बनेको हुन्छ । हाम्रो ७५% मांसपेशीमा पानी हुन्छ, हाम्रो मस्तिष्कको ९०% पानी हुन्छ, हाम्रो हड्डीमा २२% पानी हुन्छ । र हाम्रो रगतको ८३% पानी हो ।
पानी पिउनाले शरीरलाई हानि गर्ने धेरै रोगहरूबाट बचाउन मद्दत गर्दछ । हाम्रो सल्लाह भनेको खाली पेटमा पानी पिउनुहोस् र यसका धेरै फाइदाहरू छन् । पानी हाम्रो जीवनको लागि धेरै महत्त्वपूर्ण छ । यसले हामीलाई स्वास्थ्यसँग सम्बन्धित धेरै फाइदाहरू दिन्छ । हाम्रो शरीरका सबै अंगहरूले राम्रोसँग काम गर्नका लागि पर्याप्त मात्रामा पानी पिउनुपर्छ ।
खाली पेटमा पानी पिउनुका फाइदाहरु
बिहानको खाजा अघि १ वा २ गिलास पानी पिउनाले शरीरबाट सबै विषाक्त पदार्थ बाहिर निस्कन्छ । पानी शरीरबाट सबै फोहोरहरू हटाउने एकमात्र माध्यम हो । पानीले रोगहरू रोक्न र प्रत्येक दिनको सुरुमा हाम्रो पाचनक्रियालाई बढाउन मद्दत गर्दछ । रातको समयमा हाम्रो शरीरले कोशिकाहरू मर्मत गर्ने र आफैलाई सफा गर्ने काम गर्छ ।
एजेन्सीको सहयोगमा
