बच्चाहरूलाई प्रायः भनिन्छ कि दूध पिउने उनीहरूलाई शक्ति दिन्छ । तर यो केवल बच्चाहरूलाई मनोरञ्जन गर्न भनिएको कुरा होइन । दूध वास्तवमा पोषणको खानी हो, जुन बालबालिकाका लागि मात्र नभई वयस्कका लागि पनि फाइदाजनक हुन्छ । दूधलाई पूर्ण आहार मानिन्छ । दूधमा पाइने भिटामिन र पोषक तत्व स्वास्थ्यका लागि निकै फाइदाजनक हुन्छ ।
अध्ययनले दूधमा क्यालोरी, प्रोटिन, क्याल्सियम, भिटामिन–डी, भिटामिन बी १२ र पोटासियम प्रशस्त पाइन्छ भन्ने कुरा पत्ता लगाएका छन् । जसले धेरै शारीरिक र मानसिक समस्याहरू निको पार्न मद्दत गर्छ । दूध पनि एक राम्रो पूरक हो । दिनरात तातो वा चिसो दूध पिउनुका आफ्नै फाइदा छन् । अर्कोतर्फ, दूध सबै उमेरका मानिसहरूका लागि लाभदायक छ ।
आउनुहोस् जानौं दुधमा पाइने पौष्टिक तत्व र दुध पिउनुका फाइदाहरूबारे।
दूध पिउनाले राम्रो निन्द्रा आउँछ
निद्राका लागि दूधको सेवन लाभदायक हुन्छ । सुत्नुअघि एक गिलास दूध पिउनाले राम्रो निद्रा लाग्छ । वास्तवमा, दूधमा ट्रिप्टोफान र बायोएक्टिभ पेप्टाइड्स पाइन्छ, जसले निद्रामा सकारात्मक प्रभाव पार्न सक्छ । तनावका कारण धेरैलाई निद्रामा समस्या हुन्छ । दूध पिउनाले उनीहरूको शरीरलाई सबै पोषक तत्वहरू उपलब्ध गराउँछ र उनीहरूलाई तनाव कम गर्दै राम्रोसँग सुत्न मद्दत गर्छ ।
दूधले तौल नियन्त्रण गर्छ
स्वास्थ्य विज्ञहरुका अनुसार दूध पिउनाले शरीरमा उर्जा मिल्छ र तौल पनि नियन्त्रणमा रहन्छ । दूध पिउनाले बाल्यकालको मोटोपनको जोखिम कम हुन्छ । दूधमा प्रोटिन पाइन्छ जसले रगतमा चिनीको मात्रा नियन्त्रण गर्छ । तौल घटाउन खोज्नेहरूले कम फ्याट भएको दूध सेवन गर्नुपर्छ । मध्यम उमेरका र वृद्ध महिलाहरूमा गरिएको एक अध्ययनका अनुसार दुग्धजन्य पदार्थले मोटोपनाको जोखिम कम गर्न मद्दत गर्छ ।
दूधबाट छालालाई फाइदा हुन्छ
दूधको दैनिक उपभोग पनि चम्किलो र स्वस्थ छालाको लागि लाभदायक छ । दूधमा भिटामिन बी १२ पाइन्छ, जसले छालाको स्वास्थ्य सुधार गर्छ। यस्तो अवस्थामा नियमित दूध पिउनाले छालालाई जवान राख्छ । दूधमा पाइने भिटामिन एले शरीरको नयाँ कोशिकाको संरचनालाई बढावा दिन्छ। यसले धेरै प्रकारका छालाको रोगसँग लड्न पनि मद्दत गर्छ ।
दाँत र हड्डीका लागि फाइदाजनक हुन्छ
दूध पिउनाले दाँत र हड्डी पनि स्वस्थ रहन्छ । दूधमा क्याल्सियम, फस्फोरस, पोटासियम, प्रोटिन र भिटामिन पाइन्छ, जसले हड्डीलाई मजबुत बनाउन मद्दत गर्छ । शरीरको करिब ९९ प्रतिशत क्याल्सियम हड्डी र दाँतमा हुन्छ । दूधले क्याल्सियमको कमीलाई पूर्ति गर्छ र ओस्टियोपोरोसिस जस्ता हड्डीको रोगबाट बचाउँछ ।
अमरउजालाबाट भावानुवाद
