धेरै अध्ययनहरूमा, स्वास्थ्य विशेषज्ञहरूले सबै मानिसहरूलाई प्रशस्त पानी पिउने सल्लाह दिइरहेका छन् । गर्मीमा मात्रै होइन यो जाडो मौसममा पनि शरीरमा पानीको कमी हुँदा डिहाइड्रेसन हुने खतरा रहन्छ । स्वास्थ्य विज्ञहरूका अनुसार शरीरलाई स्वस्थ राख्न सबैले दैनिक कम्तीमा ३–४ लिटर पानी पिउनुपर्छ । पानीको कमीले पाचनदेखि समग्र स्वास्थ्यमा धेरै तरिकामा नकारात्मक असर पार्न सक्छ ।
एक अध्ययनमा वैज्ञानिकहरूले पर्याप्त पानी नपिउने मानिसको आयु पनि कम हुने गरेको पत्ता लगाएका छन् । द ल्यान्सेट जर्नलमा प्रकाशित एक अध्ययनमा अन्वेषकहरूले कम पानी पिउने मानिसहरूले छिटो बुढ्यौली र छोटो आयु अनुभव गर्ने सम्भावना बढी हुने देखाउँछन् ।
यति मात्र होइन, ५० वर्षको उमेरमा पनि हाइड्रेसनमा विशेष ध्यान दिने व्यक्तिमा धेरै कारणले रोग र अकाल मृत्युको जोखिम कम भएको देखिएको छ । यसका आधारमा सबै मानिसले दैनिक पर्याप्त मात्रामा पानी पिउनु पर्ने विज्ञहरू बताउँछन् ।
अध्ययनले के फेला पार्यो ?
यस अध्ययनमा पिउने पानीले जीवनको अवधिलाई कसरी असर गर्छ भनेर शोधकर्ताहरूले जान्न खोजेका छन् । अध्ययनले कम पानी पिउने मानिसहरूमा सीरम सोडियमको मात्रा बढी हुने देखाएको छ ।
एक स्वस्थ व्यक्तिको रगतमा सोडियमको सामान्य स्तर १३५–१४५ एमएमओएल प्रति लिटर हुनुपर्छ । पानीको कमीले यसको स्तर बढ्छ ।
सोडियमको मात्रा १४४ एमएमओएल प्रति लिटरभन्दा माथि हुनेमा अकाल मृत्युको जोखिम २१ प्रतिशत बढी रहेको पाइएको छ । यसले दीर्घकालीन रोगको जोखिम ३९ प्रतिशतले बढाउने समस्या पनि हुन सक्छ, जसले अकाल मृत्यु निम्त्याउँछ ।
कम पानी पिउनुका अन्य धेरै बेफाइदाहरू हुन सक्छन्।
थकान
कम पानी पिउनाले एनर्जी लेभल घट्ने समस्या हुन्छ जसका कारण तपाईलाई बारम्बार थकान–कमजोरी महसुस हुन सक्छ । पानीले तपाईँको दिमाग र शरीरलाई सन्तुलित राख्न मद्दत गर्छ ।
डिहाइड्रेसन भएमा चक्कर लाग्ने समस्या पनि हुन सक्छ । चिसो मौसममा पनि शरीरलाई पर्याप्त मात्रामा पानी चाहिने भएकाले यसतर्फ विशेष ध्यान दिनुपर्ने स्वास्थ्य विज्ञहरू बताउँछन् ।
मिर्गौलाको पत्थरीको समस्या
पर्याप्त पानी नपिउनुले मिर्गौलाको सामान्य कार्यलाई पनि असर गर्छ र मिर्गौलालाई फिल्टर गर्न निकै गाह्रो बनाउँछ । यो अवस्थाले मिर्गौलामा फोहोर जम्मा हुन पनि सक्छ । यो मिर्गौलाको पत्थरी बन्नुको प्रमुख कारण मानिन्छ ।
मिर्गौलामा पत्थरीको समस्या भए पनि पानीको मात्रा बढाएर बाहिर निकाल्न सहज हुने चिकित्सकहरू बताउँछन् ।
मस्तिष्क स्वास्थ्यमा प्रभाव
कम पानी पिउनुको असरले मस्तिष्कमा पनि समस्या ल्याउन सक्छ । न्यूट्रिएन्ट्स जर्नलमा प्रकाशित एक अध्ययनले पर्याप्त पानी पिउनाले मस्तिष्कको स्वास्थ्यलाई बढाउने र स्मरणशक्ति बढाउन र मानसिक निन्द्रा कम गर्न पनि सहयोगी रहेको पत्ता लगाएको छ ।
निर्जलीकरणको अवस्थामा, मस्तिष्कलाई सामान्य रूपमा काम गर्न गाह्रो हुन्छ, यसले हर्मोनको स्रावलाई असर गर्ने समस्या पनि हुन सक्छ ।
अमरउजालाबाट भावनुवाद
