जाडोमा छाला सुख्खा हुन्छ । ओठ, अनुहारदेखि हात र खुट्टाको हेरचाह आवश्यक हुन्छ । विशेष गरी खुट्टाको हेरचाह, किनभने फुटेको कुर्कुच्चा नराम्रो देखिने मात्र नभई कहिले काहीँ दुख्ने पनि हुन्छ । चिरा भएर च्यातिएर लापरबाही गरियो भने त्यसबाट पनि रगत आउन सक्छ । जाडोमा छालाको सुख्खापन हटाउन आवश्यक हुन्छ ।
यदि कुनै पनि प्रकारको क्रिमले फुटेको खुट्टामा असर गरिरहेको छैन भने, यो घरेलु उपाय अपनाउनुहोस् । केही दिनमै आराम मिल्छ ।
यदि खुट्टा फुटेको सौन्दर्यमा दाग जस्तो देखिन्छ भने तोरीको तेलले खुट्टामा मालिस गर्नुहोस् । यसो गर्दा खुट्टाको छाला नरम हुन्छ र खुट्टा फुट्न पनि रोक्छ ।
यदि खुट्टा फुट्नुको साथै दुखाइ पनि छ भने तोरीको तेलको मास्क लगाउनुहोस् । खुट्टाको मास्क बनाउन तोरीको तेल र प्याराफिन मैन वा सेता मैन चाहिन्छ ।
खुट्टाको मास्क बनाउन एउटा प्यानमा तोरीको तेल तताउनुहोस् । जब यो तातो हुन्छ, प्याराफिन मैन वा सेतो मैन थप्नुहोस् र यसलाई पगाल्नुहोस् । जब मैन पग्लन्छ, यसलाई कम आगोमा लगभग बिस देखि तीस सेकेन्डको लागि तताउनुहोस् । ग्याँस बन्द गर्नुहोस् ।
यो मिश्रणलाई अलिकति चिसो हुन दिनुहोस् । जब यो तेल र मैन चिसो हुन्छ र हातले छुन योग्य रहन्छ, त्यसपछि यसलाई खुट्टामा राम्रोसँग लगाउनुहोस् । त्यसपछि मोजा लगाउनुहोस् । बिहान उठेपछि मनतातो पानीले खुट्टा धुनुहोस् र मोइस्चराइजर लगाउनुहोस् । यो खुट्टाको मास्क नियमित रूपमा कुर्कुच्चामा लगाउनाले फुटेको खुट्टा निको हुन थाल्छ ।
ग्लिसरीन सँग प्रयोग गर्नुहोस्
तोरीको तेलमा ग्लिसरीन मिसाएर खुट्टा फुटेका ठाउँमा पनि लगाउन सकिन्छ । तोरीको तेललाई अलिकति तातो पार्नुहोस् र त्यसमा ग्लिसरीन र कागती मिसाउनुहोस् । यसलाई प्रयोग गर्नु अघि, आफ्नो खुट्टा राम्ररी स्क्रब गरेर धुनुहोस् । त्यसपछि तौलियाको सहायताले खुट्टा सुकाउनुहोस् र यो मिश्रण लगाउनुहोस् । त्यसपछि मोजा लगाउनुहोस् र रातभर छोड्नुहोस् । यो घरेलु उपायको दैनिक प्रयासले खुट्टाको सुन्दरता बढ्छ ।
अमरउजालाबाट भावानुवाद
