दाँतमा जमेको फोहोरले कसैको मिठो मुस्कानलाई पनि पहेँलो बनाउन सक्छ । प्रायजसो: दाँत राम्ररी सफा नगर्दा दाँतमा प्लाक जम्न थाल्छ । जुन पछि निकै कुरूप देखिन्छ र सासको दुर्गन्धको कारण पनि बन्छ ।
यसले मानिसहरूको बिचमा बोल्न पनि असहज स्थिति खडा गरिदिन्छ । यदि तपाई पनि दाँतमा जमेको प्लाक हटाउन चाहनुहुन्छ भने यी घरेलु उपायको सहारा लिन सक्नुहुन्छ । विशेषतः साइड इफेक्ट नभएका यी उपायहरू प्रभावकारी पनि छन् ।
घयुकुमारी र बेकिङ सोडा
प्राकृतिक तरिकाले दाँत सफा गर्न पहिले एलोभेराको पातको टुक्रा लिनुहोस् र त्यसको बोक्रा अलग गर्नुहोस् । त्यसपछि करिब २ चम्चा बेकिंग सोडा लिनुहोस् र एलोभेरामा मिसाउनुहोस्। यो मिश्रण राम्रोसँग मिलाउनुहोस्। अब टूथब्रसको मद्दतले यो पेस्टलाई आफ्नो पहेँलो दाँतमा ५ मिनेटसम्म रगड्नुहोस् ।
यस उपायको साथै दाँत सफा गर्न तोरीको तेल र नीमको पातबाट बनेको पेस्ट पनि प्रयोग गर्न सकिन्छ ।
दाँत सफा राख्नको लागि यी उपायहरू बाहेक, बिहान र सुत्नु अघि दुवै समय ब्रस गर्नुहोस् । यसबाहेक कुनै पनि कुरा खाइसकेपछि पानीले राम्ररी कुल्ला गर्न पनि जरुरी हुन्छ ।
नोट– दाँत सफा गर्नका लागि उल्लेख गरिएका दुवै उपायको कुनै साइड इफेक्ट छैन, तर यदि तपाईलाई दाँतमा कुनै समस्या छ भने यी उपायहरू अपनाउनु अघि डाक्टरसँग परामर्श लिनुहोला ।
अमर उजालाबाट भावानुबाद
