आफ्नो स्वास्थ्यको सबालमा महिलाहरु पुरुष भन्दा धेरै चनाखो हुने गर्छन । तर केही महिलाले आफूहरुलाई के हुदैछ भन्ने बारेमा खासै चासो दिएको पाइदैन । जति चाँडो समस्या पहिचान हुन्छ, त्यति नै छिटो रोगको उपचार हुने सम्भावना हुन्छ । प्रारम्भिक चरणमा नै पहिचान गर्न सकेमा विभिन्न प्रकारका क्यान्सरको उपचार गर्न सकिन्छ ।
१अस्वभाविक रुपमा तौल घट्नु अस्वभाविक तौल घट्नु पनि क्यान्सरको एउटा लक्षण हो । विना व्यायायम तौल घटाउन पाउदा कतिपय महिला मख्ख हुन्छन् । तर, डाईटिङ वा व्यायायमबिना तौल घट्छ भने यसलाई गम्भीरतापूर्वक लिनुपर्छ । क्यान्सरको कोषले शरिरको उर्जा खपत गरिदिन्छ, जसका कारण तौल घट्छ । तसर्थ निरन्तर तौल घटिरहेको छ भने चिकित्सकको परामर्श लिनुपर्छ ।
२ ब्लोटिङः रजस्वलाको समयमा प्राय महिलाले तल्लो पेट हल्लिएको अनुभूति गर्छन । तर, दिनहुँ जसो यो समस्या देखियो र लामो समय लम्बियो भने तत्कालै चिकित्सकको परामर्श लिनुपर्छ । अन्डासयमा क्यान्सर हुँदा ब्लोटिङ र पाचनसँग सम्बन्धित समस्या देखिन्छ । तपाईले खाना नखादा पनि पेट डम्म फुल्ने वा तारन्तार पिसाब आईरहन्छ । यस्तो लक्षण देखिएमा चिकित्सकले सिटी स्क्यान र रगत परीक्षण गर्न सुझाब दिन्छन् ।
३ स्तनको आकार परिवर्तनः महिलाको स्तनमा गिर्खा वा घाउ देखिएमा नियमित रुपमा परीक्षण गर्न चिकित्सकहरुले सल्लाह दिदै आएका छन । तर, स्तनको आकार परिवर्तन हुनु पनि क्यान्सरको लक्षण हो । छातीमा रातो विमिरा र स्तनको छालो बालो हुँदै जानु पनि यो क्यान्सरको लक्षण हो । स्तनको गिर्खा एक महिनासम्म पनि जादैन बरु निरन्तर बढिरहन्छ भने स्तन क्यान्सरको लक्षण हो ।
४ छाला परिवर्तनः छालाको क्यान्सरलाई अमेरिकामा साझा क्यान्सरको रुपमा लिइन्छ । छालामा देखिने कोठी, छालाको रंगमा अनियमितता, छालामा अनावश्यक रुपमा बिमिरा, रगत छालाको क्यान्सरका लक्षण हुन ।
५ निल्न गाहो हुनेः कुनै पनि खाना खाँदा निल्न गा¥हो हुनु पेट तथा आन्द्राको क्यान्सर हो । यस्तो लक्षण थाहा पाएपछि चिकित्सकले छातीको एक्सरे तथा इन्डोस्कोपी गर्नुपर्छ ।
