धनगढी -गेटा अस्पतालमा न्युनतम सेवा सहित स्वास्थ्य सेवा प्रदान गरीरहेकोमा बिभिन्न बिशेषज्ञ सेवाहरु पनि सुचारु हुदै गईरहेका छन् । अस्पतालमा सामान्य सेवा बाट सुरु भएको प्रयोगशाला अन्य सेवा थप गर्दे बिशेषज्ञ सेवा हरु प्रदान गरीरहेको छ ।
सुरुवाती चरणमा सिबिसि सँगै अन्य सामान्य परीक्षण हुन्थ्यो,अहिले हार्मोनल सबै परीक्षण,आईरन प्रोफाईल, कार्डियाक ईन्जाईमहरु पनि परीक्षण भईरहेको कन्सल्टेन्ट प्याथोलोजिष्ट डा बर्षा आचार्यले बताईन् । उनले भनिन्, हेमाटोलोजि प्रयोगशाला र साईटोलोजि प्रयोगशाला बाट सबै परीक्षणहरु भईरहेको छ ।
गेटा अस्पतालले यसै आर्थिक बर्षमा क्यान्सर सम्बन्धी परीक्षण गरीने हिस्टोप्याथ प्रयोगशाला सम्बन्धीका सेवाहरु पनि सुचारु गर्ने तयारी गरेको छ । साथै अन्य सेवाहरु बिस्तार गर्नै आईसियुका साथै शल्यक्रिया कक्षहरुमा उपकरणहरु जडान भईरहको अस्पतालले जनाएको छ ।
अन्य सेवा सुचारु भएपछि अढाई महिनामा २ हजार बढीले सेवा लिए
न्युनतम सेवा सहित गत आर्थिक बर्ष २०८०/०८१ को कार्तिक बाट सेवा सुरु गरेको गेटा अस्पतालले सेवा बिस्तार गर्दे गईरहेको छ । चालु आर्थिक बर्ष २०८१/०८२ को सुरुवातमा ईन्डोस्कोपी , फिजियोथेरापी सँगै मेमोग्राफि सेवा पनि सूरु गरेको छ ।
गेटा अस्पतालमा गत श्रावण महिनामा ८ सय २ जना सेवाग्राहि आएका छन् भने भाद्र महिनामा ८ सय १३ र असोज महिनाको १८ गतेसम्म ५ सय ८ जना अस्पतालबाट सेवा लिएको अस्पतालले जनाएको छ । नयाँ बिरामिसँगै फ्लोअप पनि आउने गरेको छन् ।
गेटा अस्पतालमा अन्य सेवा बिस्तारसँगै ईन्डोस्कोपी सेवा लिने बिस्तार भएपश्चात हालसम्म २३ जनाले उक्त सेवा लिएका छन् भने असोज १ गतेबाट सुरु भएको मेमोग्राफ्री सेवा ५ जना लिएको अस्पतालले जनाएको छ ।