धनगढी—नेपाल जनस्वास्थ्य संघ सुदूरपश्चिम प्रदेश समितिको अध्यक्षमा शिवराज सुनार चयन भएका छन् । शनिबार भएको निर्वाचनमा सुनारले १ सय ४१ मत ल्याउँदै विजयी भएका हुन् ।
उपाध्यक्षमा भुपेन्द्र सिंह महरा विजयी भएका छन् । उनले १ सय २१ मत ल्याउँदैं विजयी भएका हुन् ।
सचिवमा नृपराज डगौरा विजयी भएका छन् भने उनले १ सय २५ ल्याउँदैं विजयी भएका हुन् । निर्विरोध निर्वाचित हुनेमा सह—सचिव रामचन्द्र जोशी , कोषाध्यक्षमा प्रनिता भट्ट र सदस्यहरूमा वीरबहादुर कुँवर ,आशिष शाह, वीरेन्द्रप्रसाद भट्ट, मनिषा झा ,राजेन्द्रप्रसाद भट्ट र ममताकुमारी जोशीरहेका छन् ।
नेपाल जनस्वास्थ्य संघ प्रदेश समितिमा सदस्यहरु निर्विरोध चयन हुँदा अध्यक्ष, उपाध्यक्ष र सचिव पदसहितका पदाधिकारी भने निर्वाचन भएको थियो ।
