धनगढी—स्वास्थ्य तथा जनसंख्यामन्त्री मोहनबहादुर बस्नेतले कैलालीको गेटा अस्पतालको निरीक्षण गरेका छन्। आइतबार अनुगमनका क्रममा मन्त्री बस्नेतले गेटामा भौतिक संरचना निर्माण भएपनि त्यसलाई संचालन ल्याउन अझै धेरै काम बाँकी रहेको बताए।
‘भौतिक सरचना तयार छ । एक सय शैय्या संचालन अनुमति पाएको गेटा अस्पताललाई ३ सय शैय्याको बनाउन पहल थाल्नेछु । यसको दरबन्दी व्यवस्थापनमा विशेष ध्यान दिन्छु,’ मन्त्री बस्नेतले भने ।
मन्त्री बस्नेतले गेटामा भौतिक संरचना निर्माण भएपनि त्यसलाई संचालन ल्याउन अझै धेरै काम बाँकी रहेको बताए ।
‘गेटामा मेडिकल शिक्षा अध्ययनका लागि अस्पताल संचालन गर्न आवश्यक छ,’ उनले थपे, ‘बाहिरी क्षेत्रबाट डाक्टरहरु सुदूरपश्चिममा आउन नमान्ने भएकाले गेटामा मेडिकल शिक्षा संचालन भएपछि यसै क्षेत्रमा दक्ष जनशक्ती उत्पादन हुन्छ ।’
१ सय ४१ अस्थायी दरबन्दी रहेको अस्पताल १ कार्तिकदेखि संचालनमा छ । हाल सम्म १ हजार ३७ जना बिरामीको उपचार गरिएको अस्पतालका निर्देशक डा. प्रमोद जोशीले जानकारी दिए ।
