धनगढी— श्रमिक दिवसको अवसरमा उद्योगमा कार्यरत श्रमिकहरुलाई निः शुल्क स्वास्थ्य उपचारसँगै औषधि वितरण गरिएको छ ।
सुदूरपश्चिम प्रदेश सामाजिक विकास मन्त्रालयको श्रम तथा रोजगार शाखाले कैलालीको गेटास्थित लक्ष्मी कत्था उद्योग र कंचनपुरको पुर्नवासको भागेश्वर सुगरमिलमा कार्यरत श्रमिकहरुको स्वास्थ्य परीक्षणसँगै औषधि वितरण गरेको हो ।
सामाजिक विकास मन्त्रालयका अनुसार गेटा स्थित लक्ष्मी कत्था उद्योगमा कार्यरत १सय ८ पुरुष र ७५ महिला गरी १८३ जनाको स्वास्थ्य परीक्षण गरिएको । त्यसैगरी, पुर्नवासको भागेश्वर सुगरमिलमा कार्यरत १ सय २२ पुरष र ४४ महिला गरी १ सय ५६ जनाको स्वास्थ्य परीक्षण गरिएको छ ।
उनीहरूको फिजिसियन डाक्टरबाट सामान्य स्वास्थ्य परीक्षण, स्वास्थ्य परामर्श, सुगर, प्रोटिन र पिसाबको परीक्षण गरिएको मन्त्रालयले जनाएको छ । बैशाख १८ अर्थात मे १ अन्तर्राष्ट्रिय श्रमिक दिवस मनाइदैं आएको छ ।
