स्वास्थ्य चौकी जाने क्रममा कर्णाली नदीमा डुंगा पल्टियो, १० दिनको बच्चासहित तीन जना बेपत्ता

धनगढी—कैलालीको मोहन्याल गाउँपालिका–३ राँगा मलेखास्थित कर्णली नदीमा डुंगा पल्टिदा १० दिनको बच्चासहित ३ जना बेपत्ता भएका छन् । प्रहरीका अनुसार कैलालीको मोहन्याल गाउँपालिका–३ बाट बच्चालाई खोप लगाउन सुर्खेतको चौकुने गाउँपालिका–४ मा रहेको स्वास्थ्य चौकी जाँदै थिए ।

डुंगा दुर्घटना हुदाँ बेपत्ता हुनेमा मोहन्याल गाउँपालिका–३ बस्ने वर्ष २० की उर्मिला सलामी मगर, उर्मिलाको १० महिनाको बच्चा र सोही ठाउँ बस्ने २० वर्षकी पार्वती थापा रहेको जिल्ला प्रहरी कार्यालय कैलालीका प्रमुख विश्व अधिकारीले बताए ।

दुर्घटनामा परेको डुंगामा १० जना सवार थिए । पाँच जना पौडी खेलेर बाहिर निस्किएका छन् भने दुई जना घाइते भएको कैलाली प्रहरीले जनाएको छ ।

मोहन्याल गाउँपालिका–०३ की १९ वर्षीया धनसरा सलामी मगर अवस्था गम्भीर छ भने उनका १ महिनाका छोरा कर्ण सलामी अवस्था सामान्य रहेको कैलाली प्रहरीले जनाएको छ ।