कैलाली–नेपालका आँखा सम्बन्धि सयौ बिरामी भरपर्दो उपचारका लागि भन्दैं भारतका अस्पतालमा गएर उपचार गर्दछन । तर कैलालीको गेटामा रहेको आँखा अस्पतालमा भने भारतीय बिरामी बढी आउछन ।
गेटा आँखा अस्पतालमा उपचार गर्न पुर्जा लिन लाइनमा बसेका सेवाग्राहीमध्ये अधिकांश भारतीय नागरिक छन् । आँखाका उपचारका लागि गेटामा सञ्चालित आँखा अस्पतालमा नेपालीभन्दा भारतीय विरामीको भिड हुन्छ ।
अस्पतालमा भारतको उत्तर प्रदेश, उत्तराखण्ड हुदै दिल्लीबाट समेत दिनहुँ बिरामी आउने गरेका छन् । उनीहरुले नेपालीले पाउने सुविधामै उपचार पाउने गरेका छन् । नेपालमा सञ्चालित आँखा अस्पतालमा गुणस्तरीय र भारतमा भन्दा सस्तोमा उपचार हुने भएकाले हजारौं भारतीय नागरिक उपचारका लागि नेपाल आउने गरेका हुन् ।
मोतिया बिन्दु, आँखाको शल्यक्रिया लागायतका बिरामीको भारतमा भन्दा नेपालमा राम्रो उपचारको हुने भएकोले नेपाल आएको भारतीय सेवाग्राहीहरु बताउँछन् । भारतबार आँखा उपचारकै लागी गेटा आँखा अस्पताल पुगेका एक सेवाग्राहीले भने, ‘यहाँ राम्रो उपचार हुन्छ त्यसैले आएको हुँ । मोतियाबिन्दुका विरामीको उपचार नेपालमा मात्रै हुन्छ भनेर सुनेको थिए त्यसैले नेपाल आए ।’
भारतको आँखा अस्पतालमा भन्दा यहाँको अस्पतालमा सस्तो र राम्रोे उपचार हुने भएकै कारण आँखा उपचार गर्न नेपाल आएको अर्का सेवाग्राहीले बताए । गेटा आँखा अस्पतालमा झण्डै ५० प्रतिशत भारतीय विरामी आउने गरेको अस्पतालका सञ्चालकहरु बताउँछन् ।
भारतीय अस्पताल भन्दा गुणस्तरीय सेवा नेपालमा पाइने भएकोले भारतीयय बिरामी आँखा उपचारको लागि नेपाल आउने गरेको गेटा आँखा अस्पतालका बाह्य कार्यक्रम व्यवस्थापक रमेश चन्द्र भट्टले बताए ।
गेटा आँखा अस्पतालले आर्थिक वर्ष २०७५/०७६ मा मात्रै झण्डै दुई लाख ५० हजार नौ सय ८७ जना आँखा बिरामीको उपचार गरेको तथ्याङक रहेको छ ।
