विराटनगर—नेपाल डेन्टल एशोसिएसन मोरङकी अध्यक्ष डा. प्रेक्ष्या दलीलाई पितृशोक परेको छ। सोमबार विहान उनका ८३ वर्षीय बुवा राधेश्याम दलीको ८३ वर्षको उमेरमा निधन भएको हो ।
विराटनगरस्थित आफ्नै घरमा सोमबार विहान १२ः३० बजे बिहान दलीको निधन भएको हो । उनलाई मुटु सम्बन्धि समस्या थियो ।
कम्युनिस्ट विचारधाराका निष्ठावान नेता मानिने दली नेकपा एमाले, माले, माओवादी, जनमोर्चालगायतका सबैजसो वामपन्थी पार्टीमाझ प्रिय थिए ।
मनमोहन समूह र पुष्पलाल समूहका २०४३ सालमा भएको एकीकरणमा पनि उनको महत्वपूर्ण भूमिका खेलेको थियो ।
गत श्रमिक दिवसको अवसरमा उनलाई विष्णुमाया पुस्तकालयले नेपालको कम्युनिष्ट आन्दोलनका पुर्याएको अतुलनीय योगदानको कदर गर्दै सम्मान गरेको थियो।
दलीले शिक्षकका रुपमा पनि काम गरेका थिए । उनले स्कूलबाट आर्जन गरेको रकमले पार्टीलाई सहयोग गर्ने गरेका थिए । उनका एक छोरा, एक छोरी र श्रीमती छन् ।
