विराटनगर– प्रदेश १ मा सोमबार ५६ जनामा कोरोना संक्रमण पुष्टि भएको छ । सामाजिक विकास मन्त्रालयका अनुसार पछिल्लो २४ घन्टामा थप ५६ जनामा कोरोना पुष्टि भएको हो ।
जसमध्ये, सुनसरीका २६ जना, मोरङका १७ जना, संखुवासभाका ९ जना र झापाका ४ जनामा संक्रमण देखिएको मन्त्रालयले जनाएको छ ।
यस्तै, विराटनगरमा ११ जना संक्रमित थपिएका छन् । जसमध्ये ५ महिला र ६ पुरुष रहेका छन् । सुनसरीको धरानमा ६ महिला १४ पुरुष, कोशी गाउँपालिकामा ३ पुरुष, देवानगञ्ज र इनरुवामा १–१ पुरुष, इटहरीमा १ महिला, मोरङको लेटाङमा १ महिला ४ पुरुष र बुढीगंगामा १ महिलाको रिपोर्ट पोजेटिभ आएको छ ।
मन्त्रालयका अनुसार संखुवासभाको खाँदबारीका १ महिला ८ पुरुष, झापाको कमलगाउँपालिकामा २ महिला २ पुरुषको रिपोर्ट पोजेटिभ आएको छ । प्रदेश १ मा कोरोना संक्रमितको संख्या ३ हजार ३ सय ६७ पुगेको छ ।
प्रदेश १ बाट आज ५४ जना डिस्चार्ज भएका छन् । वी.जेनरल आईसोलेसन केन्द्र, हरिनगर सुनसरीबाट ३२ जना, इलाम अस्पताल आईसोलेसन केन्द्र, इलामबाट १८ र होम आईसोलेसनबाट ४ जनामा कोरोना निको भएका छन् । । हाल सम्म १ हजार ५ सय ८९ जना कोरोना मुक्त भएका छन् ।
प्रदेश १ मा आज १ हजार ३ सय ९२ जनाको कोरोना परीक्षण गरिएको छ । परीक्षण गरिएका मध्ये १७ महिला र ३९ पुरुषको रिपोर्ट पोजेटिभ आएको हो । प्रदेश १ मा हालसम्म ८८ हजार ९ सय ९० जनाको पीसीआर परीक्षण गरिएको मन्त्रालयले जनाएको छ ।
