नेपालगन्ज–नेपालगन्जको वेस्टर्न अस्पतालले शल्यक्रिया सेवासहितको १६ बेडको कोभिड–१९ डेलिकेटेड वार्ड सुरु गरेको छ । अर्थाेपेडिक, ट्रमा, जनरल सर्जरी र प्रसुति तथा स्त्री रोगसँग सम्बन्धी शल्यक्रिया गरेर उपचार गर्नुपर्ने बिरामीहरुलाई लक्षित गरेर अस्पतालले १६ बेडको कोभिड–१९ डेलिकेटेड वार्ड सुरु गरेको हो ।
कोभिड–१९ को दोस्रो लहर सुरु भएसँगै अस्पतालले २०७८ वैशाख देखि ४ बेडको कोभिड वार्ड संचालन गरेर संक्रमित बिरामीहरुलाई शल्यक्रियासहितको उपचार सेवा प्रदान गर्दै आइरहेको थियो । ४ बेडले बिरामीको चाप धान्न नसक्ने अबस्था सिर्जना भएपछि अस्पतालले बेड संख्या बढाएर १६ पु¥याएको अस्पतालका प्रबन्ध निर्देशक डा.राहुल थापाले बताए ।
४ बेडको कोभिड–१९ वार्ड संचालन गर्दा एक महिनाको अवधीमा वेस्टर्न अस्पतालले अर्थाेपेडिक र ट्रमा सम्बन्धी १३ वटा, जनरल सर्जरीका ३ वटा र प्रसुति तथा स्त्री रोगसँग सम्बन्धित २ वटा गरी १८ जना संक्रमित बिरामीलाई शल्यक्रियासहितको उपचार सेवा दिएको थियो ।
कोभिड डेडिकेटेड वार्ड संचालन भएपछि यस क्षेत्रका अर्थाेपेडिक, ट्रमा, जनरल सर्जरी र प्रसुति तथा स्त्री रोगसँग सम्बन्धित संक्रमित बिरामीहरुलाई शल्यक्रियासहितको उपचार सेवा पाउन थप सहज हुनेछ ।
