चरिकोट—दोलखाको तामाकोशी गाउँपालिकाले करारमा विभिन्न पदका लागि स्वास्थ्यकर्मीको माग गरेको छ । सोमबार गाउँपालिकाले एक सूचना प्रकाशित गर्दै १० जना स्वास्थ्यकर्मी माग गरेको हो ।
आर्थिक वर्ष ०८०/८१ का लागि गाउँपालिकाले करारमा स्वास्थ्यकर्मी राख्ने गरी १५ दिने सूचना प्रकाशन गरेको ।
विज्ञापनमार्फत आव्हान गरिएको आवश्यक स्वास्थ्यकर्मीहरुमा मेडिकल अफिसर १ जना, स्टाफ नर्स २ जना, ल्याब टेक्निसियन १ जना, हेल्थ असिष्टेन्ट १ जना, फार्मेसी असिष्टेन्ट १ जना, अनमी २ जना र ल्याब असिष्टेन्ट १ जना गरी १० जना कर्मचारी माग गरिएको तामाकोशी गाउँपालिकाका प्रमुख प्रशासकीय अधिकृत बद्रीप्रसाद शर्मा वाग्लेले बताए ।
गाउँपालिकाको नियमअनुसार पारिश्रमिक दिने गरी कर्मचारीको व्यवस्था गरिनेछ । योग्यता पुगेका इच्छुक व्यक्तिले ८ माघसम्म कार्यालय समयभित्र दरखास्त दिन सकिने प्रमुख प्रशासकीय अधिकृत वाग्लेले बताए ।
![](https://ap-south-1.linodeobjects.com/healthaawaj/2024/01/vacancy-tamakoshi.jpg)