विपन्न नागरिक बिरामी भएमा निःशुल्क एम्बुलेन्स सेवा

चरिकोट—आर्थिक रुपले पिछडिएका, न्यून आय भएका विपन्न पहिचान नागरिक बिरामी भएमा निःशुल्क एम्बुलेन्स सेवा प्रदान गरिने भएको छ । बिरामी भएको खबर वडाका जनप्रतिनिधि जोकोहीलाई खबर गरेमा उम्बुलेन्स खर्च वापत भीमेश्वर नगरपालिका—५ दोलखाले निर्णय गरिएको छ ।

भीमेश्वर नगरपालिका—५ का वडा समितिको निर्णयअनुसार निम्न कागजात पूरा गरेर वडा कार्यालयमा पेश गरेमा नगद पाँच हजार भुक्तानी गर्ने वडाअध्यक्ष बासु श्रेष्ठले जानकारी दिए ।

नगद भुक्तानीको लागि नेपाली नागरिकताको प्रतिलिपि, एम्बुलेन्सलाई तिरेको रकमको बिल भर्पाइ र काठमाडौंका जुनकुनै अस्पतालमा भर्ना भएको बिरामी कार्ड वडा कार्यालयमा पेश गर्नु पर्नेछ ।

यस वडा नं. ५ ले आफ्ना नागरिकहरुलाई स्वस्थ र निरोगी राख्नको लागि स्वास्थ्यकर्मीलाई घर घरमै लगेर स्वास्थ्य परीक्षण र हर्लिस, फलफूल वितरण गर्दै आएको वडाअध्यक्ष बासु श्रेष्ठले जानकारी दिए ।