दोलखा—नेपाल औषधि व्यवसायी संघ संयुक्त जिल्ला शाखा दोलखा तथा रामेछापको तेस्रो साधारणसभा तथा दोस्रो अधिवेशन सम्पन्न भएको छ । सदरमुकाम चरिकोटमा भएको उक्त अधिवेशन दोलखाका प्रमुख जिल्ला अधिकारी कोमलप्रसाद धमलाले उद्घाटन गर्दै औषधि व्यवसाय मात्र नभई सेवाअन्तर्गतको व्यवसाय भएको बताए ।
यो व्यवसायमा कुनैपनि प्रश्न नआउने गरी व्यवसाय सञ्चालन गर्न उनले सुझावसमेत दिए । स्वास्थ्य कार्यालय दोलखाका प्रमुख उत्तम खनालले औषधि व्यवसाय गर्ने व्यसायी आफै सचेत हुनुपर्ने बताए ।
दोलखा उद्योग वाणिज्य संघका महासचिव सुरेश उप्रेतीले केही औषधि पसलमा लागु पदार्थ दुर्व्यसनीले औषधि किनेर प्रयोग गरेको सुनिएकाले त्यसतर्फ सचेत हुन आग्रह गरे ।
नेपाल पत्रकार महासंघ दोलखा शाखाका उपाध्यक्ष श्रृजनकुमार घिमिरेले बिरामीले २४ सै घण्टा औषधि पाउने वातावरण बनाउन आग्रह गरे । संघका अध्यक्ष जीवनकुमार श्रेष्ठले यो संघ २०७३ सालमा मात्र स्थापना भएको र सामाजिक उतरदायित्व बहन गरेर काम गरिरहेको बताए ।
अधिवेशनमा जीवनकुमार श्रेष्ठको अध्यक्षतामा नयाँ कार्यसमिति चयन गरेको छ । उपाध्यक्ष अर्जुन बुढाथोकी, महासचिवमा हरि गौतम, सचिव मोहनकुमार श्रेष्ठ, कोषाध्यक्ष भरत बस्नेत र सह—कोषाध्यक्षमा पार्वती श्रेष्ठ निर्वाचित भएका छन् । त्यसैगरी, सदस्यमा मनोजकुमार श्रेष्ठ, जीवननाथ दुलाल, मदन भौकाजी चयन भएको नवनिर्वाचित कोषाध्यक्ष भरत बस्नेतले जानकारी दिए ।
