चरिकोट—दोलखाको वैतेश्वर गाउँपालिका–८ वडा कार्यालयको आयोजनामा एक दिने निःशुल्क स्वास्थ्य शिविर आयोजना गरिएको छ । वडा नम्बर ८ क्षेत्रपामा आयोजित स्वास्थ्य शिविर चरिकोट अस्पताल र लालीगुराँस सामुदायिक अस्पतालको सहकार्यमा भएको थियो । शिविरमा ६ सयभन्दा बढीले स्वास्थ्य परीक्षण गराउनुको साथै निःशुल्क औषधी वितरण गरिएको थियो ।
स्वास्थ्य शिविरमा चरिकोट अस्पतालका डा. देवेन्द्र गौतमले स्वास्थ्य परीक्षण गरेका थिए । शिविरमा आँखा, कान, नाक र ग्याष्ट्रिक सम्बन्धी बढी बिरामीहरुको जाँच तथा उपचार गरेका थिए । जनतालाई घरघरमै निःशुल्क स्वास्थ्य सेवा पु¥याउने उद्धेश्यले वडा कार्यालयले यो अभियान सुरु गरिएको वडा अध्यक्ष रमेश अधिकारीले बताए ।
जनताको स्वास्थ्य प्रमुख विषय भएकाले गाउँमा नै निःशुल्क स्वास्थ्य शिविर आयोजना गरिएको वडाअध्यक्ष अधिकारीले बताए । गाउँमा सडक, खानेपानी, शिक्षा, कृषि क्षेत्रमा धेरै काम गरेको तर स्वास्थ्य क्षेत्र पनि महत्वपूर्ण भएकाले वडामै चिकित्सकहरु ल्याएरु स्वास्थ्य जाँच गरिएको अधिकारीको भनाइ छ ।
यस शिविर आयोजना गर्नको लागि विभिन्न संघसंस्थाले समेत सहयोग गरेका छन् । साथै शिविर सञ्चालनको लागि सदरमुकाम चरिकोटबाट भीमसेन डेन्टल क्लिनिक, तिलगंगा आँखा केन्द्रलगायतले शिविरलाई साथ दिएका थिए । क्षेत्रपाका धेरै जनतालाई स्वास्थ्य सेवा पुर्याउनको लागि स्थानीय युवाहरु भरत श्रेष्ठ, पुस्कर अधिकारी र सुब्बा श्रेष्ठ लागि परेका थिए ।
