लहानस्थित मालपोत कार्यलयका प्रमुखमा कोरोना संक्रमण पुष्टि

जनकपुर—सिरहाको लहानस्थित मालपोत कार्यलय प्रमुखमा कोरोना संक्रमण पुष्टि भएको छ । कार्यलय प्रमुखमा कोरोना संक्रमण पोजेटिभ देखिएपछि कार्यलयका सम्पूर्ण कर्मचारीहरु होम क्वारेन्टाइनमा बसेको लहान नगरपालिकाका स्वास्थ्य शाखा संयोजक रामसुन्दर यादवले बताए ।

मालपोत कार्यलयका कर्मचारी तथा कार्यालय प्रमुखसँगको सम्पर्कमा आएकाहरुको कन्ट्रयाक्ट ट्रेसिङको काम अगाडि बढाउने यादवले बताए । कार्यलय प्रमुखको सम्पर्कमा आएका सम्पूर्ण कर्मचारीको स्वाब संकलन गरी कोरोना परीक्षण गरिने छ ।

यता कार्यलय प्रमुखमा नै कोरोना संक्रमण देखिएपछि लहानस्थित मालपोत कार्यलय सिल गर्ने तयारी भएको इलाका प्रहरी कार्यलय लहानले जनाएको छ ।