वीरगन्जका मेयरले जिते कोरोना

जनकपुर—पर्साको वीरगंज महानगरपालिकाका प्रमुख विजय सरावगी कोरोना संक्रमणमुक्त भएका छन् । कोभिड—१९ बाट संक्रमित भएर होम आइसोलेसनमा रहेका नगरप्रमुख सरावगीको आइतबार कोरोना रिपोर्ट नेगेटिभ आएको हो ।

वीरगञ्जस्थित नारायणी अस्पतालको पिसिआर प्रयोशालामा गरिएको परीक्षणमा सरावगीको रिपोर्ट नेगेटिभ आएको उनका राजनीतिक सल्लाहकार मुकेश द्विवेदीले बताए ।

नगरप्रमुख सरावगीले आइतबार पिसिआर परीक्षणका लागि आफ्नो स्वाब पठाएका थिए । उनले आफू कोरोना संक्रमणमुक्त भएको सामाजिक संजालमार्फत जनाएका छन् ।

उनको २५ दिनअघि कोरोना रिपोर्ट पोजेटिभ आएको थियो ।