सिरहाको विष्णुपुर गाउँपालिका साउन मसान्तसम्मका लागि लकडाउन

जनकपुर – कोरोना संक्रमण बढ्दै गएपछि सिरहाको विष्णुपुर गाउँपालिका साउन ३२ गतेसम्मका लागि लकडाउन गरिएको छ । बुधबार विहान ६ वजेदेखि लागु हुने गरी पालिका भित्र रहेका अतिआवश्यक बाहेकका  सम्पूर्ण सेवा सबै बन्द रहने भएको हो।

बिष्णुपुर गाउँपालिकाका अध्यक्ष जागेस्वर यादबका अनुसार आजदेखि लागु हुनेगरी लकडाउनको निर्णय भएको वताए । बिष्णुपुर गाउँ कार्यापालिका बैठकले जिल्ला बिपद ब्य्बस्थापन समितिको सल्लाह अनुरुप लकडाउन गर्ने निर्णय गरेको हो ।

मंगलबार सुखीपुर नगरपालिका भित्र भएको पिसिआर टेष्टमा एकै वडाका ८ जनाको कोरोना पोजेटिभ देखिएपछि बिष्णुपुर बजार क्षेत्रभित्र पनि अपरिचित मानिसको भिडभाड हुनेभएकोले यस्तो निर्णय गर्नुपरेको प्रमुख प्रसाससकिय अधिकृत कमल देब यादबले बताए । लकडाउन अवधिभरमा अति आवश्यक सेवा एम्बुलेन्स, औषधी पसल, दूध ढुवानी गाडी खानेपानी फोहर मैला व्यवस्थापन जस्ता अति आवश्यक कार्य संचालन बाहेक अन्य सेवा बन्द हुने छ ।

बैठकले बिष्णुपुर गाउँपालिका अन्तर्गत हाटबजार, सभा समेलन, व्यवसाय, होटेल तथा रेष्टुरेन्ट लगायतका अन्य पसल सार्वजनिक तथा निजि सवारी साधन पनि बन्द गर्न अनुरोध गरेको छ । लकडाउन भित्र भिडभाड कम गराउने, स्वास्थ्य सुरक्षाको मापदण्डलाई कडाइका साथ पालना गराउने कार्यलयहरुमा कम आवतजावत गर्नका लागि आग्रह गरेका छ्न ।