बदामको सेवन स्वास्थ्यका लागि निकै फाइदाजनक हुन्छ । दैनिक बदाम खाँदा धेरै रोगबाट बच्न सकिन्छ । बदाममा फाइबर, एन्टिअक्सिडेन्ट, भिटामिन र मिनरल्स प्रचुर मात्रामा पाइन्छ, जसले शरीरलाई स्वस्थ राख्न मद्दत गर्छ ।
दैनिक ६ देखि ७ वटा बदाम खाँदा मानिसलार्ई स्वस्थ र तन्दुरुस्त रहन मद्दत पुग्छ ।
हड्डीहरूको लागि
बदाममा प्रशस्त मात्रामा क्याल्सियम पाइन्छ, जसले हड्डीलाई मजबुत बनाउन मद्दत गर्छ । दैनिक बदामको सेवनले हड्डीसँग सम्बन्धित रोगको जोखिम कम हुन्छ ।
मधुमेह रोगीको लागि
मधुमेहका बिरामीका लागि बदामको सेवन निकै फाइदाजनक हुन्छ । बदाममा म्याग्नेसियम प्रचुर मात्रामा पाइन्छ, जसले रगतमा चिनीको मात्रा नियन्त्रणमा राख्न मद्दत गर्छ । दैनिक बदाम खाँदा मधुमेहको जोखिम कम हुनेबारेमा धेरै अध्ययनहरुमा पनि दावी गरिएको छ ।
तौल नियन्त्रणमा राख्छ
दैनिक बदामको सेवनले तौल पनि नियन्त्रणमा राख्छ । बदाममा फाइबर र प्रोटिन पाइन्छ, जसका कारण यसको सेवनले पेट भरिपूर्ण रहन्छ र धेरै खानबाट बच्न सकिन्छ । बदामले मेटाबोलिजमलाई पनि सुधार गर्छ जसले तौललाई नियन्त्रणमा राख्न मद्दत गर्छ ।
स्वस्थ मुटुको लागि
दैनिक बदाम खानु मुटुका लागि पनि निकै फाइदाजनक हुन्छ । धेरै दैनिक बदामको सेवनले मुटुलाई स्वस्थ राख्छ । मुटु रोगीले दैनिक बदाम खानुपर्छ ।
अमरउजालाबाट भावानुवाद
