भिडियो रिपोर्ट ? निःसन्तान दम्पत्तिका लागि बरदान मानिएको आईभिएफ के हो ?

इनभिट्रो फर्टिलाइजेसन (आईभीएफ)मा महिलाको शरीरबाट एक्स निकालिन्छ । एक्स निकाल्नुपूर्व महिनामा सामान्यतयाः एउटा मात्रै अण्डा ठूलो हुने भएकाले अरु पनि अण्डाहरु ठूलो बनाउन स्टुमुलेट गर्छौ । त्यसका लागि इन्जेक्सन दिइन्छ ।

ठूलो भएको अण्डा निकाल्छौं । र, श्रीमानको वीर्य निकाल्छौं । त्यो निकालिइसकेपछि हामी अण्डा र वीर्यको प्रयोगशालामै मिलन गराउँछौं । त्यसलाई पहिले—पहिले टेष्टट्युब बेबी भन्ने चलन थियो ।

अण्डा र वीर्यको मिलनबाट भ्रुण बनाइसकेपछि त्यसलाई महिलाको पाठेघरमा ट्रान्सप्लान्ट गर्छौ । यसलाई नै आईभीएफ भनिन्छ ।

विश्वव्यापी रुपमा हेर्दा यो ४० प्रतिशत सफल मानिन्छ । वात्सल्य आईभीएफमा हामीले मासिक तथ्यांकहरु विश्लेषण गर्दा ६० देखि ७० प्रतिशत यो विधी सफल छ ।