एजेन्सी– धुम्रपान सेवनका कारण विश्वमा लाखौं मानिसहरुले आफ्नाे आँखाको ज्योति गुमाउने खतरा बढाउदैं लगेको विज्ञहरुले चेतावनी दिएका छन् ।
अन्तर्राष्ट्रिय ओप्टो मेट्रिस्टहरुको एक संस्थाले गरेको अनुसन्धानले हरेक धुम्रपान गर्ने ५ जना मानिसमध्ये एक जनालाई अन्धोपन हुने गरेको निष्कर्ष निकालेको हो । धुम्रपान र अन्धोपनाबारे सिधा सम्बन्ध नदेखिए पनि ५ जनामध्ये एकजना अन्धोपनाको शिकार हुने गरेका छन् ।
धुम्रपान गर्ने मानिसहरुले धम्रपान नगर्नेको भन्दा दुई गुणा बढीले आफ्नो दृष्टि गुमाउने गरेको बेलायतमा गरिएको सो अनुसन्धानले देखाएको छ ।
चुरोटले आँखालाई कसरी असर पार्छ ?
चुरोटमा विभिन्न प्रकारका हानिकारक रसायानहरु हुन्छन् । जसले हाम्रो आँखालाई असर पुर्याउँछन् । जस्तो कि पारो र तामाहरु आँखाको लेन्समा जम्मा हुन सक्छन् । यस्तै चुरोट सेवनका कारण मधुमेहसँग सम्बन्धि दृष्टि कमजोर बनाउँछ ।
यसले आँखाको रेटिनामा हुने रक्त कोषिका तथा रक्तनलीलाई असर गर्छ । चुरोट सेवनकर्ताहरु आफ्नो उमेरभन्दा तीन गुणा बढी उमेरमा हुने आँखाको समस्या देखा पर्छ । उनीहरुले राम्रोसग देख्न नसक्ने अध्ययनहरुले देखाएका छन् ।
२ हजार ६ जना युवाहरुमा गरिएको एक अनुसन्धानमा १८ प्रतिशतले चुरोट सेवनका कारण आँखाको देख्ने क्षमतामा कमी आएको पाइएको थियो भने ७६ प्रतिशतमा क्यान्सर सम्बन्धी रोगको सम्भावना देखिएको थियो ।
अन्तर्राष्ट्रिय ओप्टो मेट्रिस्ट संस्थाले चुरोट सेवन नगर्न आग्रह गरेको छ । आँखाको दृष्टि कमजोर नहुन दिनका लागि नियमित चेकजाच र धुम्रपान छाड्नुपर्ने बताएको छ ।
आँखाकी चिकित्सक एइसा फाजलेनीले भनिन्,‘ धेरै मानिसहरुलाई धुम्रपानले क्यान्सर लगाउने कुरा मात्र थाहा छ तर यसले आँखाको दृष्टिलाई पनि कमजोर बनाउछ भन्ने कुरा कमैलाई थाहा छ ।’ उमेर बढ्दै जाँदा आँखाको दृष्टि कम हुँदैं जाने समस्या धुम्रपान गर्नेहरुमा चाडो देखिने उनले बताइन् ।
चुरोट सेवनले आखाको क्षमता कमजोर बनाइदिने भएकाले चाडैं नै यो बानी हटाउन विज्ञहरुले सुझाव दिएका छन् ।
चुरोट सेवनक कारण आँखा कमजोर हुने, मोतीयाविन्दू हुने, आँखा चिलाउने र सुख्खा हुने, आँखाको भित्री भाग सुनिने र दुख्ने, मधुमेह भएकाहरुले खादा आँखाको रक्तनलीमा असर गर्ने जस्ता समस्याहरु देखिने अनुसन्धानमा देखिएको छ ।
आँखाको दृष्टि कमजोर हुन नदिन विज्ञहरुले चुरोट सेवन आजैबाट छाड्न आग्रह गर्दै वर्षको दुई पटक आँखा जचाउनुपर्ने सल्लाह दिएका छन् । हरियो सागसब्जी खादा आँखा स्वस्थ हुने विज्ञहरु बताउँछन् । उनीहरुले धुवाँधुलाेबाट टाढै रहन आग्रह गरेका छ्न् ।
नेपालमा ५६ प्रतिशत पुरुष र १९ प्रतिशत महिला कुनै न कुनै प्रकारको धुम्नपानको शपकारमा पर्ने गरेको एक अध्ययनले देखाएको छ ।
