सकारात्मक सोचाइले हाम्रो प्रतिरक्षात्मक प्रणालीलार्ई पनि बढाउँछ भन्दा अचम्म लाग्न सक्छ ! तर, विभिन्न अध्ययनहरुले भने यसको पुष्टि गरिसकेको छ ।
लामो समयदेखि प्रतिरोधात्मक क्षमताको विषयमा अध्ययन गर्दै आएको एक अन्तर्राष्ट्रिय अध्ययन समूहले उक्त कुराको पुष्टि गरेको हो । उक्त समूहले ३ सय ५० जना वयस्क ब्यक्तिहरुबीचमा गरेको अध्ययनले यस्तो देखाएको हो । अध्ययनअनुसार व्यक्तिले लिने गरेको चिन्ताले उसको शरीरमा रहेको प्रतिरोधात्मक क्षमतामा प्रत्यक्ष असर पार्दछ ।
सकारात्मक सोचाइ राख्ने व्यक्तिहरुमा भने प्रतिरोधात्मक क्षमतामा समेत वृद्धि हुने तथ्य सो अध्ययनको क्रममा फेला परेको छ । प्रत्येक प्राणीको शरीरमा रोग प्रतिरक्षात्मक क्षमता रहेको हुन्छ । जसले शरीरमा लागेका विभिन्न रोग तथा संक्रमणहरु विरुद्ध लड्ने गर्दछ ।
प्रत्येक प्राणीको शरीरमा रहने प्रतिरक्षात्मक शक्ति कोष, टिस्यु तथा अंगको एकत्रित संगठन हो । यी ३ तत्वहरुको संगठनले शरीरलाई विभिन्न रोगहरु लाग्नबाट बचाउने मात्रै नभई यसले सम्पूर्ण शरीरलाई नै स्वस्थ्य राख्न मद्धत गर्दछ ।
जसरी कुनैै पनि वनस्पतिको हुर्कनको निम्ति अनुकूल वातावरणको आवश्यकता पर्दछ । त्यसैगरी शरीरको प्रतिरक्षा प्रणाली पनि बलियो हुन पनि यसलाई विभिन्न अनुकूल शारीरिक स्थितीको खाँचो पर्ने उक्त अनुसन्धाकर्ताहरुको राय छ ।
एजेन्सीको सहयोगमा
