काठमाडौं—सिनामंगलस्थित हार्दिक आईभीएफले नेपाली नयाँ वर्षको अवसर पारेर निःशुल्क आईयुआई सेवा उपलब्ध गराउने भएको हो । हार्दिक आईभीएफले १० चैत्रदेखि ३१ बैशाखसम्म निःशुल्क आईयुआई सेवा उपलध गराइने जनाएको छ ।
आईयुआई सेवा कम शुक्राणु गन्ती, असमय महानावारी, अस्पष्ट प्रजनन समस्या भएका लागि उपयुक्त हुने हार्दिक आईभीएफकी प्रजनन रोग विशेषज्ञ डा. अर्चनाले शाक्यले जानकारी दिइन् । उनकाअनुसार आईयुआई एक प्रजनन उपचार हो जसमा पुरुषको शुक्राणुलाई सिधैं महिलाको गर्भाशयमा राखिन्छ । ‘यसले शुक्राणुलाई महिलाको अण्डसम्म पुग्न सजिलो बनाउँछ,’ डा. शाक्यले भनिन्, ‘र गर्भाधारणका सम्भावना बढाउँछ ।’
आईभीएफकी अर्की प्रजनन रोग विशेषज्ञ डा. निसुमा सेढाइले आईयुआई गराउनुपूर्व विभिन्न पक्षबारे बुझ्नुपर्ने बताइन् । उनकाअनुसार आईयुआई गर्न चाहने दम्पत्ति आईयुआई के हो बुझ्ने, आईयुआई प्रजनन विशेषज्ञसँग परामर्श गर्ने, आईयुआई सफलताका कारकहरु बुझ्ने, ओभुलुसन र समय ट्रयाक गर्ने र एकअर्कालाई भावनात्मक समर्थन गर्नुपर्छ ।
अन्तर्राष्ट्रियस्तरको आईभीएफ सेवा उपलब्ध गराउँदैं आएको जनाउँदैं हार्दिकले निःसन्तान दम्पत्तिहरुलाई सेवा दिनका लागि तयार रहेको जनाएको छ ।
