मौसम परिवर्तन हुँदा विशेष गरी जाडोमा टन्सिलका बिरामीको समस्या बढ्छ । यसको कारण भाइरल वा ब्याक्टेरियल इन्फेक्सन हो, जसका कारण घाँटीको टन्सिल क्षेत्रमा दुखाइ र सुन्निने समस्या हुन्छ।
सामान्यतया यस्तो अवस्थामा बिरामीलाई घाँटी र कान दुख्ने, घाँटी दुख्ने, टाउको दुख्ने, ज्वरो आउने, शरिर दुख्ने र कमजोरी हुने जस्ता समस्या हुने गर्दछन् जसलाई यसको लक्षण मान्न सकिन्छ ।
यदि यो समस्याले तपाईँलाई बारम्बार सताउँछ भने यसबाट छुटकारा पाउन घरमै यी उपाय अपनाउन सक्नुहुन्छ ।
बरफ
एउटा सुती कपडामा बरफका टुक्राहरू भर्नुहोस् र घाँटीको टन्सिल क्षेत्रमा लगाउनुहोस् । दिनमा पाँच देखि छ पटक आइस प्याक दिनुहोस्।
बेसारयुक्त दूध
एक गिलासमा तातो दूध लिनुहोस्। यसमा आधा चम्चा बेसार र आधा चम्चा कालो मरिचको धुलो मिसाएर सुत्नुअघि नियमित रूपमा सेवन गर्नुहोस् ।
कागती, नुन र मह
एक गिलास तातो पानीमा आधा कागती निचोर्नुहोस्। यसमा एक चिम्टी नुन र दुई चम्चा मह मिसाउनुहोस् । यसलाई दिनमा दुई पटक लिनुहोस् ।
यदि यी कुराले पनि राहत दिँदैन भने डाक्टरसँग परामर्श लिनुहोस् ।
अमरउजालाबाट भावनुवाद
