मंकीपक्सका कारण अमेरिकामा बालबालिका प्रभावित भइरहेका छन् । समाचार एजेन्सीहरुकाअनुसार अमेरिकाका ११ राज्यका ३३ बालबालिकामा मंकीपक्सको संक्रमण पुष्टि भएको छ ।
सेन्टर फर डिजिज कन्ट्रोल एण्ड प्रिवेन्स (सिडीसी)काअनुसार सबै ५० राज्यमा मंकीपक्सका बिरामी देखा परेका छन् । जसमा न्यूयोर्क र क्यालिफोर्नियामा सबैभन्दा बढी संक्रमित पाइएका छन् ।
टेक्सास डिपार्टमेन्ट अफ स्टेट हेल्थ सर्विसको तथ्यांकअनुसार यहाँ ९ बालबालिका मंकीपक्सबाट संक्रमित भएका छन् । एक जना वयस्कको मंकीपक्स संक्रमणका कारण निधन भएको छ ।
स्वास्थ्य अघिकारीहरुकाअनुसार मंकीपक्सले इम्युन सिष्टम कमजोर हुने बिरामीलाई बढी प्रभावित पारिरहेका छ । त्यस्ता व्यक्तिहरुलाई लक्षण देखिने बितिकै उपचार सुरु गर्न आव्हान गरिएको छ ।
मंकीपक्स आउटब्रेक हुनेबितिकै अमेरिकी राष्ट्रपति जो बाइडेनले सबै नागरिकलाई खोप पु¥याइने बताएका थिए । तर, अधिकारीहरुले अति जरुरी भएका व्यक्तिलाई पनि खोप दिन नसकिएको बताएका छन् ।
मंकीपक्स हालसम्म १०३ देशमा फैलिएको छ भने ५४ हजारभन्दा बढी मानिसहरु संक्रमित भइसकेका छन् ।
