स्कुल जाने समयमा बालबालिकाको स्कुल रुटमा बढी ट्राफिक हुनाले बालबालिकाको स्मरणशक्ति कमजोर हुने पाइएको छ । स्पेनको बार्सिलोना इन्स्टिच्युट फर ग्लोबल हेल्थका शोधकर्ताहरुले बार्सिलोनाका ३८ स्कुलमा पढ्ने बालबालिकामा गरेको अनुसन्धानबाट यो तथ्य अगाडि आएको हो ।
७ देखि १० वर्षका २६८० बालबालिकामा भएको यो अनुसन्धानबाट बाहिरी ध्वनिको स्तरमा ५ डेसिबल वृद्धि हुन्छ भन्ने यसले स्मरण गर्ने क्षमता ११.५ प्रतिशत कम हुन्छ । यस्तै, कठिन काम गर्ने क्षमताको विकासमा पनि २३.५ प्रतिशत कम हुन्छ । यसका साथै पढाइप्रति हुने ध्यान ४.८ प्रतिशतसम्म घट्न जान्छ ।
यो शोधका लेखक जोर्डी सनयरकाअनुसार अनुसन्धानले यो सिद्धान्तको समर्थन गर्छ कि बचपन एक कमजोर अवधि हो । ध्वनि प्रदुषण किशोरावस्थाभन्दा पहिले हुने स्मरणशक्तिको क्षमता विकासको प्रक्रियालाई पनि ढिला बनाउँछ । भविष्यमा यो समस्यालाई ध्यान दिएर स्कुललाई यस्तो ठाउँमा बनाउनुपर्छ जहाँ ध्वनि र ट्राफिक कम हो ।
बाहिरी र आन्तरिक ध्वनिको तुलनामा शोधकर्ताहरुले यो पाए कि ध्वनि भएको खेल मैदान भएका स्कुलका बालबालिकाहरुले सबै परीक्षणमा खराब प्रदर्शन गरे । ध्वनिरहित कक्षाले केवल बच्चखाको ध्यानलाई प्रभावित गर्छ न कि उनीहरुको स्मरणशक्ति ।
अध्ययनका प्रमुख लेखक डा. मारिया फोस्टरकाअनुसार खोजबाट कक्षाकोठाभित्रको ध्वनि औसत डेसिबल स्तरभन्दा बढी हुनाले न्युरोडेभलपमेन्टका लागि खतरा सावित हुन सक्छ ।
युनिभर्सिटी इन्स्टिच्युट फर प्राइमरी केयर रिसर्च जोर्डी गोलका शोधकर्ताले ९ देखि १२ वर्षको उमेरका बच्चामाथि गरिएको शोधमा यो पाए कि बढी वायु प्रदुषण, ध्वनि प्रदुषण र ट्राफिक भएको क्षेत्रमा रहने बालबालिका मोटो हुने सम्भावना बढी हुन्छ ।
-दैनिक भाष्करबाट भावानुवाद
