प्रचण्ड पत्नी सीता दाहाल अस्पतालबाट डिस्चार्ज

काठमाडौँ – नेकपा माओवादी अध्यक्ष पुष्पकमल दाहाल प्रचण्डकी पत्नी सीता दाहाल नेपाल मेडिसिटी अस्पतालबाट डिस्चार्ज भएकी छिन्। अस्पतालको आईसीयुमा उपचाररत दाहालको स्वास्थ्यमा सुधार देखिएपछि मंगलबार डिस्चार्ज गरिएको हो।

गत शुक्रबार कोभिड संक्रमणका कारण स्वास्थ्यमा समस्या देखा परेपछि उनलाई अस्पताल भर्ना गरिएको थियो । उनको नियमित स्वास्थ्य जाँचमा संलग्न चिकित्सक वरिष्ठ नशारोग विशेषज्ञ डा. बाबुराम पोखरेलको नेतृत्वको स्वास्थ्य टोलीले उपचार गरेको हो ।

आईसीयुमा उपचाररत् दाहालको पछिल्लो अवस्था सुधारोन्मुखरहेकोेले उनलाई घरजाने सल्लाह दिइएको डा.पोखरेलले बताए। अस्पतालका चिफ अफ क्लिनिकल सर्भिसेस एण्ड एजुकेसन डा. निलमणी उपाध्यायकाअनुसार उत्कृष्ट प्रविधि, पूर्वाधार र जनशक्तिसहितको नेपाल मेडिसिटीअस्पतालले उनको उपचार गरेको हो ।