सेल्फी भिडियोबाटै जाँच्न सकिनेछ ब्लड प्रेसर

ब्लड प्रेसर कति छ ? यो जान्नका लागि अब चिकित्सकलाई भेट्नुपर्ने बाध्यता हट्ने भएको छ । टोरोन्टो युनिभर्सिटीका शोधकर्ताहरुले मोबाइल फोनको क्यामराबाट ब्लड प्रेसर जाँच गर्ने नयाँ प्रविधि विकसित गरेका छन् । उक्त प्रविधिमार्फत सेल्फी भिडियोको सहयोगमा ब्लड प्रेसर थाहा पाउन सकिनेछ ।
अनुसन्धानकर्ताहरुकाअनुसार चीन र क्यानडाका १३२८ ब्यक्तिमा परीक्षणका दौरान ९५—९६ प्रतिशत छोटो जानकारीसहित तीन प्रकारको ब्लड प्रेसर मापन गर्न सफलता प्राप्त भएको हो ।
टोरोन्टो युनिभर्सिटीका शोधकर्ता पल झेन्गले ट्रान्सडर्मल अप्टिकल इमेजिङ प्रविधि विकसित गरेका छन् । यो प्रविधिको सहयोगमा अनुहारको छालाबाट ब्लड प्रेसरको पत्ता लगाउन सकिन्छ । शोधकर्ताहरुले ब्लड प्रेसर थाहा पाउनका लागि २ मिनेटको सेल्फी भिडियो प्रयोग गरेका थिए ।
भिडियो बनाउने बेलामा मोबाइल क्यामरामा राखिएको अप्टिकल सेन्सर अनुहारमा पर्ने राता किरणलाई कैद गर्छ, जो स्कीनभित्र हेमोग्लोबिनका कारण रिफलेक्ट हुन्छ । ट्रान्सडर्मल अप्टिकल इमेजिङ प्रविधिबाट यस्तै परिवर्तित किरणको सहयोगमा शरीरमा ब्लड प्रेसरको जानकारी प्राप्त गर्न सकिन्छ । अनुसन्धानकर्ताहरुले यो दावी गरेका छन् कि यो प्रविधिले ९६ प्रतिशत छोटो जानकारी दिन्छ ।
अनुसन्धानकर्ताहरुकाअनुसार ट्रान्सडर्मल अप्टीकल इमेजिङ संसारमा बढिरहेको हाइपरटेन्सन (हाई विपी)लाई कम गर्न सहयोगी हुनेछ । खासगरी, यस्तो ठाउँमा जहाँ स्वास्थ्य सेवा सजिलै उपलब्ध हुँदैन् ।
टेक कम्पनी न्युरालोजिक्सले एनुरा नामको एप रिलिज गरेको छ, जो ३० मिनेटको सेल्फी भिडियोमार्फत धड्कन र तनावको स्थितीका बारेमा जानकारी दिन्छ । कम्पनी चाडै यो एपमा ब्लड प्रेसर पत्ता लगाउने फिचर समावेस गर्नेछ । जसलाई सबैभन्दा पहिलो चीनका लागि सार्वजनिक गरिनेछ । कम्पनीका संस्थापक लीकाअनुसार प्रयोगकर्ताको स्वास्थ्य अवस्थाको आँकडा एप क्लाउडमा अपलोड गरिनेछ । चाडैं यसको सहयोगमा कोलस्ट्रोल, हेमोग्लोबिन र ब्लड ग्लुकोज तहका बारेमा पनि जानकारी मिल्नेछ ।
धेरै पढिएका
- १ मुटु रोग विशेषज्ञ डा. ओममूर्ति अनिललाई प्रधानमन्त्री राष्ट्रिय प्रतिभा पुरस्कार
- २ हेमोफिलियाका बिरामीलाई महँगो औषधि निःशुल्क उपलब्ध गराउन स्वास्थ्य मन्त्रालयले गर्यो सम्झौता
- ३ युरो सर्जरीका नेपाली ब्राण्ड प्रा.डा. रविन
- ४ मैले ‘तपाईंलाई क्यान्सर भयो !’ भन्दा पनि खुसी भएको देखेको छु
- ५ कुनै समय डाक्टर पढाउन विदेश पठाउने झापा १४ विदेशी विद्यार्थीलाई एमबीबीएस पढाउँदैं
- ६ योग के हो ? यसका प्रकार र फाइदा
- ७ चिकित्सा शिक्षा आयोगद्धारा एमडी/एमएसको प्रवेश परीक्षाको नतिजा सार्वजनिक (रिजल्टसहित)
तपाईको प्रतिक्रिया दिनुहोस